Çətin ki bundan sonra kimsə 116 il yaşasın. Amerikalı alimlərin araşdırması bəşər övladının maksimum yaşama müddətinin azaldığını ortaya çıxarıb. Tədqiqatçıların iddiasına görə yer kürəsində maksimum yaşama müddəti təxminən 115 ildir.
Milli.Az atv.az-a istinadən bildirir ki, əlbəttə nə vaxtsa istisnalar qeydə alına bilər. Ancaq yer kürəsində 125 yaşlı adam tapmaq ehtimalı az qala lotereyada cek pot udmaq ehtimalına bərabər olub. Bəzi elm xadimləri araşdırmanın nəticəsini müsbət qiymətləndirsə də, bir çox alim iddia ilə razılaşmır. Ən azı ona görə ki, 19-cu əsrdən bu yana tibbin inkişafı sayəsində orta yaşam müddəti ciddi şəkildə artıb.
Lakin uzunömürlülər arasında bu müddətin yavaş-yavaş gerilədiyi də reallıqdır. 105 yaşa çatan insanların demək olar ki, hamısında həyat əlamətləri zəifləməyə başlayır. Bu isə daha uzun müddət yaşamaq ehtimalını azaldır. Belə görünür ki, bir insan nə qədər çox çalışsa da, 115 ildən o yana yaşaya bilmir.
Milli.Az
