Bakı. 10 oktyabr. REPORT.AZ/ Respublikaçılar Partiyasından ABŞ prezidentliyinə namizəd Donald Tramp dövlət başçısına xas xarakterə malik deyil.
"Report" xəbər verir ki, Ağ Ev rəhbəri Barak Obama həftə sonu milyarderin qadınlar haqqında işlətdiyi ifadələrlə bağlı baş verən qalmaqalı belə şərh edib.
Onun sözlərinə görə, Tramp "başqalarını aşağılayaraq" özünü təsdiq edir.
"Bu mənim Ağ Evdə kiməsə tövsiyə edə biləcəyim xarakter deyil", - deyə Obama Çikaqoda demokratlara seçkiqabağı dəstək tədbirində çıxışı zamanı bildirib.