DÇ-2018-in seçmə mərhələsi çərçivəsində keçiriləcək Çexiya – Azərbaycan oyunu öncəsi baş tutacaq mətbuat konfransı və açıq məşqin vaxtı açıqlanıb.
Fanat.Az AFFA-nın rəsmi saytına istinadən xəbər verir ki, oktyabrın 11-də keçiriləcək matçdan bir gün öncə baş məşqçimiz Robert Prosineçki mətbuat nümayəndələrinin önünə çıxacaq.
Xorvatiyalı mütəxəssis bu gün saat 22:15-də jurnalistlərin suallarını cavablandıracaq. Saat 22:45-də isə yığmamızın ilk 15 dəqiqəsi mətbuat üçün açıq olan məşqi start götürəcək.
Qeyd edək ki, mətbuat konfransı və açıq məşq Ostrava şəhərindəki Vitkovitse stadionunda keçiriləcək.
Fanat.Az