DÇ-2018-in seçmə mərhələsi çərçivəsində keçiriləcək Çexiya - Azərbaycan oyunu iki ölkənin futbol komandaları arasında 17-ci rəsmi matç olacaq.
Publika.az xəbər verir ki, indiyədək baş tutan 16 görüşdən 6-sı yığma, 10-u klub səviyyəsində baş tutub. Bu qarşılaşmalardan 10-u kişi, 6-sı qadın komandaların iştirakı ilə keçirilib.
Əsas yığmalar arasındakı yeganə görüş 7 il əvvəl BƏƏ-də baş tutub. Yoxlama xarakterli beynəlxalq turnirdə keçirilən qarşılaşmada millimiz Çexiyanı 2:0 hesabı ilə məğlub edib.
Digər 9 qarşılaşma avrokuboklara təsadüf edib. Klublarımız cəmi 4 heç-heçəylə kifayətlənib və 5 dəfə uduzublar. Bu qarşılaşmalarda top fərqi 4-18-dir.
Qadın komandalar isə 2 dəfə əsas, 2 dəfə U-19, 1 dəfə U-17, 1 dəfə klub səviyyəsində üz-üzə gəlib. Cəmi 1 qələbəsi olan xanımlar 5 dəfə böyük hesablı yenilgiyə üzülüb. Cəmi 3 top vuran komandalarımız 24 top buraxıb.
Ümumilikdə, 16 matçda cəmi 2 qələbəsi olan təmsilçilərimiz 4 heç-heçə edib və 10 dəfə uduzublar. Çexiyalıların qapısına 9 qol vuran komandalarımız 42 top buraxıb. Sabah baş tutacaq görüşdə vurulacaq ilk qolumuz 10-cu olacaq. (apasport.az)
Əsas milli
18.11.2009. Azərbaycan - Çexiya 2:0
Avrokuboklar
23.07.1997. “Yablonets” (Çexiya) – “Qarabağ” 5:0
30.07.1997. “Qarabağ” - “Yablonets” (Çexiya) 0:3
26.07.2000. “Slaviya” (Çexiya) – “Şəmkir” 1:0
02.08.2000. “Şəmkir” - “Slaviya” (Çexiya) 1:4
10.08.2006. “Karvan” – “Slaviya” (Çexiya) 0:2
24.08.2006. “Slaviya” (Çexiya) - “Karvan” 0:0
26.07.2016. “Viktoriya” (Çexiya) – “Qarabağ” 0:0
02.08.2016. “Qarabağ” – “Viktoriya” (Çexiya) 1:1
15.09.2016. “Qarabağ” – “Slovan” (Çexiya) 2:2
Qadınlar
27.03.2010. Azərbaycan – Çexiya 0:5
25.08.2010. Çexiya – Azərbaycan 8:0
Avrokubok (qadınlar)
13.09.2005. “Gömrükçü” – “Sparta” (Çexiya) 0:3
U-19 (qızlar)
29.09.2005. Azərbaycan - Çexiya 0:3
25.09.2008. Azərbaycan - Çexiya 2:1
U-17 (qızlar)
28.09.2015. Azərbaycan - Çexiya 1:4
