Bakı. 10 oktyabr. REPORT.AZ/ Futbol üzrə 2018-ci il dünya çempionatının seçmə mərhələsində bu gün 9 oyun keçiriləcək.
"Report"un məlumatına görə, A, B və H qruplarında yer alan komandalar III tur çərçivəsində üz-üzə gələcəklər.
A qrupunda liderlərin görüşü baş tutacaq. 4 xalla ilk iki pilləni bölüşən Hollandiya və Fransa yığmaları Rotterdamda üz-üzə gələcək. Qalib komanda birinci pillədə mövqeyini möhkəmləndirəcək. Bu qrupun daha bir görüşünü mövqe baxımından əhəmiyyətli adlandırmaq olar. 4 xalı olan İsveç ondan 1 xal geri qalan Bolqarıstanı sınağa çəkəcək. Autsayderlərin qarşılaşmasında isə Belarus Luksemburqu qəbul edəcək.
B qrupunda çıxış edən sonuncu Avropa çempionu Portuqaliya Farer adalarının qonağı olacaq. İki oyundan 3 xal toplayan Kriştianu Ronaldunun komandası vəziyyətini yaxşılaşdırmaq üçün səfərdən qələbə ilə dönməlidir. Qrup lideri İsveçrə isə aktivində xal olmayan və sonuncu pillədə qərarlaşan Andorra yığması ilə qarşılaşacaq.
H qrupunun liderləri səfər sınağına çıxacaqlar. Yunanıstan Estoniyanın, Belçika isə Cəbəllütariqin qonağı olacaq. Meydan sahibləri qalib gəlsə, Bosniya və Herseqovina bundan yararlanaraq, Kipr üzərindəki qələbə sayəsində qonaqların liderliklərinə şərik ola bilər.
Dünya çempionatı, seçmə mərhələ, III tur
10 oktyabr
A qrupu
22:45. Hollandiya - Fransa
22:45. İsveç - Bolqarıstan
22:45. Belarus - Luksemburq
Hollandiya
Fransa
İsveç
Bolqarıstan
Belarus
Luksemburq
B qrupu
22:45. Farer adaları - Portuqaliya
22:45. Latviya - Macarıstan
22:45. Andorra - İsveçrə
İsveçrə
Farer adaları
Portuqaliya
Latviya
Macarıstan
Andorra
H qrupu
22:45. Bosniya və Herseqovina - Kipr
22:45. Estoniya - Yunanıstan
22:45. Cəbəllütariq - Belçika
Belçika
Yunanıstan
Bosniya və Herseqovina
Cəbəllütariq
