Aktual mövzular: Dollar alış-satışı , Hava haqqında, Məzənnə, Neftin qiyməti

Analoq yayımla bağlı QƏRAR - SEYRƏ DAVAM

Analoq yayımla bağlı QƏRAR - SEYRƏ DAVAM

Date: 10 October 2016 11:37

Azərbaycan ərazisində 1 dekabr tarixindən televiziya kanallarının analoq yayımının dayandırılmasına baxmayaraq kabel operatorların şəbəkələrində analoq yayımı davam etdiriləcək.

Milli.Az Trend-ə istinadən bildirir ki, bu barədə Azərbaycan Kabel Operatorları Assosiasiyasının icraçı katibi Əli Əliyev bildirib.

Onun sözlərinə görə, ölkədə fəaliyyət göstərən kabel operatorların abunəçilərinin rəqəmli yayıma keçid ilə bağlı narahatlığı əsassızdır və analoq formatda KATV1 və Ailə TV kabel operatorlarının xidmətlərindən istifadə edənlər 1 dekabrdan sonra da bu yayımdan zövq ala bilər. Ə.Əliyev qeyd edib ki, analoq yayımın dayandırılması yalnız efir kanallarına aiddir və 1 dekabrdan sonra efir kanallarını izləmək üçün ya DVB-T rəqəmli formatı dəstəkləyən televizor olmalı, ya da bunun üçün ayrıca xüsusi DVB-T və ya DVB-S qəbuledici qoşulmalıdır. Lakin Azərbaycanda satılan müasir televizorlarının əksəriyyətində rəqəmli televiziyanı dəstəkləyən DVBT resiveri olduğu üçün əlavə cihaz almaq lazım deyildir. Kabel televiziyasında isə hər şey olduğu kimi qalacaq.

"Kabel operatorları isə öz abunəçilərinin tələbatlarını nəzərə alaraq analoq yayımı davam etdirəcəklər və buna üçün narahat olmağa dəyməz", - deyərək Ə.Əliyev vətəndaşların bir hissəsinin son günlər böyük narahatlığına səbəb olan aktual məsələyə aydınlıq gətirdi.

Assosiasiyanın rəsmisinin bildirdiyinə görə, rəqəmsal yayıma keçid Azərbaycanın da qoşulduğu Cenevrə konvensiyanın qərarları ilə baglıdır. Belə ki, həmin konvensiyaya görə rəqəmli yayıma keçid 2015-ci ildə başa çatmalı idi. Lakin MDB ölkələri, o cümlədən də Azərbaycan bu prosesi müəyyən qədər yubadıblar.

Milli.Az


Tags:  Analoq yayımla bağlı QƏRAR SEYRƏ DAVAM

RƏYLƏR


Top news