Aktual mövzular: Dollar alış-satışı , Hava, Məzənnə, Neftin qiyməti

ABŞ və Böyük Britaniyadan Qırğızıstandakı vətəndaşlarına XƏBƏRDARLIQ

ABŞ və Böyük Britaniyadan Qırğızıstandakı vətəndaşlarına XƏBƏRDARLIQ

Avropa İttifaqı Britaniyadan 57 milyard avro tələb edir (10 Fevral 2017 17:37)

Tarix: 10 Oktyabr 2016 11:37

ABŞ və Böyük Britaniyanın Qırğızıstandakı səfirliyi bu ölkədə yaşayan vətəndaşlarına müraciət edərək oktyabr ayında ölkə hökuməti və xarici diplomatlara qarşı insanların qaçırılması və girov götürülməsi ilə bağlı ola biləcək terror hücumları təhlükəsinin yüksək olması barədə xəbərdarlıq edib.

Milli.Az report-a istinadən bildirir ki, bu barədə diplomatik nümayəndəliklərin rəsmi saytlarında məlumat yerləşdirilib.
"Qırğızıstanda oktyabr ayında ölkə hökuməti və xarici diplomatlara qarşı insanların qaçırılması və girov götürülməsi ilə bağlı ola biləcək terror hücumları təhlükəsinin yüksək olması barədə məlumat əldə etmişik. Britaniya vətəndaşlarına qarşı təhlükə barədə konkret informasiya olmasa da, vətəndaşlarımıza ictimai yerlərdə sayıq olmağı, izdihamlı yerlərdən uzaq gəzməyi və yerli hakimiyyət orqanlarının təhlükəsizlik məsələləri üzrə təlimatlarına əməl etməyi tövsiyə edirik", - Böyük Britaniya səfirliyinin saytında məlumat verilib.

Oxşar məlumat həftə sonu ABŞ səfirliyinin saytında da yerləşdirilib.
Səfirlik öz vətəndaşlarına xüsusən respublikanın cənubunda - Oş, Batken və Cəlal-Abad əyalətlərində səyahət edən zaman diqqətli olmağı tövsiyə edib.

Milli.Az


Teqlər:  ABŞ Böyük Britaniyadan Qırğızıstandakı vətəndaşlarına XƏBƏRDARLIQ



RƏYLƏR


Top xəbərlər