"Mançester Siti"nin akademiyasında təhsil alan futbolçulara qadağa tətbiq olunub.
Publika.az xəbər verir ki, bundan sonra akademiyanın futbolçuları ancaq qara buts geyinməli olacaqlar. Bu barədə məlumatı akademiyanın baş məşqçisi Ceyson Uilkoks verib. O, futbolçulara rəngli butslarla bağlı tətbiq olunan qadağanı şərtləndirən səbəbi belə izah edib:
"Mənim fikrimcə, məşhur futbolçunun icitimaiyyətə qarşı etdiyi hörmətsizlikdən pis heç nə yoxdur. Bəli, siz nəsə arzulaya bilərsiz. Amma bütün hallarda ətrafınızdakılara hörmət etməyə borclusuz. Vacib deyil ki, siz süpürgəçi və ya baş direktorla söhbət edirsiz. Hər kəsə hörmət və ehtiramla yanaşmalısız. Biz akademiyamızda təhsil alan uşaqlardan tələb edirik ki, ictimaiyyətə hörmət bəsləsinlər".