Bakı. 10 oktyabr. REPORT.AZ/ Əfqanıstanda partlayıcı qurğu yerləşdirilmiş avtomobilin partladılması nəticəsində 10 polis əməkdaşı daxil olmaqla 14 nəfər həlak olub.
"Report" TASS-a istinadən xəbər verir ki, hadisə bazar ertəsi Hilmənd vilayətinin paytaxtı Laşkargah şəhərində baş verib. Avtomobilə quraşdırılmış partlayıcı qurğu terrorçu-kamikadze tərəfindən işə salınıb.
Polis nümayəndəsinin verdiyi xəbərə görə, terror qurbanların sayı arta bilər.