Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Bakıda polislərə elektroşok cihazı ilə hücum etdilər

Bakıda polislərə elektroşok cihazı ilə hücum etdilər

Date: 10 October 2016 15:42

Bakıda polis əməkdaşlarına hücum olub.

Milli.Az report-a istinadən bildirir ki, hadisə Təbriz və A.Nemətulla küçələrinin kəsişməsində qeydə alınıb.
Polis əməkdaşları qeyd olunan ərazidə xidmət apararkən 4 nəfər şəxsin ictimai yerdə yüksək səslə, əl-qol hərəkətləri ilə mübahisə etdiklərini görüb özlərini onlara təqdim edərək intizama dəvət ediblər. Həmin şəxslərdən biri, Mingəçevir şəhər sakini, 1992-ci il təvəllüdlü Araz Məmmədov üzərindəki elektroşok cihazını çıxararaq polis əməkdaşlarına yönəldib.

Polis əməkdaşları onu və Kürdəmir rayon sakinləri - 1996-cı il təvəllüdlü Kənan Vəliyevi, 1990-cı il təvəllüdlü Fərahim Süleymanovu və Ağcabədi rayon sakini, 1990-cı il təvəllüdlü Namiq İsmayılovu polisin qanuni tələbinə riayət etməyə dəvət etdikdə A.Məmmədov bu dəfə üzərində olan bıçaqla qanun qoruyucularına hücum edərək xəsarət yetirməyə cəhd göstərib.
Hər iki hücumun qarşısı alınıb. Hadisə zamanı xəsarət alan olmayıb.
Sonradan məlum olub ki, dörd nəfərdən A.Məmmədov və F.Süleymanov əvvəllər məhkum olunmuş şəxslərdir. Onların hamısı tutulub.

Faktla bağlı araşdırma aparılır.

Milli.Az


Tags:  Bakıda polislərə elektroşok cihazı hücum etdilər

RƏYLƏR


Top news