Aktual mövzular: Dollar alış-satışı , Hava haqqında, Məzənnə, Neftin qiyməti

"Sözsüz" növbəti beynəlxalq teatr festivalına gedir - FOTO

"Sözsüz" növbəti beynəlxalq teatr festivalına gedir - FOTO

Date: 10 October 2016 17:27

Permdə keçirilən II Martin MakDonax Beynəlxalq Teatr Festivalından uğurla qayıdan Azərbaycan Dövlət Gənc Tamaşaçılar Teatrının digər yaradıcı heyəti bu gecə növbəti festivalda iştirak etmək üçün yola düşür. Bu dəfə kollektiv Litvanın Vilnüs və Visaginas şəhərlərində keçiriləcək "Atspindys" XI Beynəlxalq monotamaşalar festivalında ölkəmizi təmsil edəcək.

Teatrın mətbuat xidmətindən Milli.Az-a verilən məlumata görə, kollektiv bir sıra beynəlxalq teatr festivalında uğur qazanmış S.Bekketin "Sözsüz" mono-tamaşası ilə çıxış edəcək. Tamaşanın quruluşçu rejissoru İsa Əsədov, ifaçı - əməkdar artist Şövqü Hüseynovdur.

Oktyabr ayının 11-dən - 17-dək davam edəcək festivalda gün ərzində 3 (sonuncu gün 4 tamaşa) tamaşa olmaqla 13 səhnə əsəri nümayiş etdiriləcək. Ölkəmizlə yanaşı, festivalda Rusiya, Litva, Belarus, Ukrayna, İtaliya, Slovakiyanın bir sıra teatr kollektivlərinin tamaşaları göstəriləcək.
Məlumat üçün bildirək ki, "Atspindys" festivalı ADGTT-nin 89-cu teatr mövsümdə iştirak edəcəyi ikinci beynəlxalq festivaldır. Teatrın cari ilin noyabr ayında Moldovada keçiriləcək mono-tamaşalar festivalında da iştirakı nəzərdə tutulur.

Milli.Az











Tags:  növbəti beynəlxalq teatr festivalına gedir FOTO

RƏYLƏR


Top news