Aktual mövzular: Dollar alış-satışı , Hava, Məzənnə, Neftin qiyməti

“Məktəblinin dostu” pilot layihəsi üzrə müsahibə mərhələsi başlayıb

“Məktəblinin dostu” pilot layihəsi üzrə müsahibə mərhələsi başlayıb

Astanada Suriya üzrə danışıqların növbəti mərhələsi başlayıb (14 Mart 2017 09:37)
“Məktəblinin dostu” layihəsinin iştirakçılarına sertifikatlar verilib (10 Mart 2017 12:42)
Suriya məsələsi üzrə danışıqların növbəti mərhələsi başlayıb (23 Fevral 2017 13:47)

Tarix: 10 Oktyabr 2016 20:17

Bakı. 10 oktyabr. REPORT.AZ/ “Məktəblinin dostu” pilot layihəsi üzrə imtahanların müsahibə mərhələsi başlayıb. 
Təhsil Nazirliyindən “Report”a verilən məlumata görə, bununla bağlı 3 saylı Bakı “ASAN xidmət” mərkəzində görüş keçirilib. 
Görüşdə millət vəkilləri, təhsil ekspertləri, QHT rəhbərləri, KİV nümayəndələri iştirak ediblər.
Çıxış edənlər layihənin əhəmiyyətindən danışaraq bunun təhsilin idarəedilməsinin təkmilləşdirilməsində, valideynlərin ümumi təhsil müəssisələrinin həyatında daha yaxından iştirakında mühüm rol oynayacağına ümidvar olduqlarını bildiriblər.
Təhsil Nazirliyi və “ASAN xidmət”lə birgə start verilən “Məktəblilərin dostu” layihəsinin həyata keçirilməsi müəllim və şagirdlər üçün təhlükəsiz mühit yaratmaq, ilk tibbi və psixoloji yardım göstərmək, mütəmadi olaraq şagird, valideyn, müəllim, təlim-tərbiyə müəssisələrinin kollektivi və rəhbərliyi ilə maarifləndirmə və diaqnostik işlərin aparılması məqsədi daşıyır.
“Məktəblinin dostu” hər bir yaş mərhələsində uşaqların hərtərəfli şəxsi keyfiyyətlərinin və intellektual inkişafının təmin olunması, onlarda özünütərbiyə və özünüinkişaf bacarığının formalaşdırılmasında iştirak edəcək.
İmtahanların test mərhələsi oktyabrın 2-də keçirilib. Bir saat yarım davam edən imtahanda namizədlərə Azərbaycan tarixi, coğrafiyası, mədəniyyəti, məntiqi düşünmə qabiliyyəti sahələri üzrə 50 sual təqdim edilib. Seçilmiş namizədlər müsahibə mərhələsinə buraxılıb.
Müsahibə mərhələsində ictimai fəaliyyətdə aktiv iştirak edən, könüllü kimi müxtəlif proqramlarda çalışan, xarici dil biliklərinə yiyələnən namizədlərə üstünlük veriləcək. Müsahibədən uğurla keçən namizədlər təlimlərə cəlb olunacaqlar. Təlimin sonunda qiymətləndirmə nəticələrinə əsasən seçilmiş namizədlər “Məktəblinin dostu” seçiləcəklər.
Layihə ilk mərhələdə Bakı şəhərindəki 30 ümumi təhsil müəssisəsində həyata keçiriləcək. Gələcəkdə layihənin əhatə dairəsinin genişləndirilməsi nəzərdə tutulur. 

Teqlər:  Məktəblinin dostu pilot layihəsi üzrə müsahibə mərhələsi başlayıb



RƏYLƏR


Top xəbərlər