Çexiya yığmasının hücumçusu Ladislav Kreyçi sabah millimizlə baş tutacaq dünya çempionatının seçmə qrup mərhələsi matçı öncəsi jurnalistlərin suallarını cavablandırıb.
Fanat.Az xəbər verir ki, Kreyçi təzyiq hiss etmədiklərini bildirib:"Sabahkı görüşdə xal qazanacağımıza inanıram. Əvvəlki oyunlarda qələbə üzünə həsrət idik. Çalışacağıq bu sindromu qıraq. Azərbaycanın 2 oyunda 6 xal toplaması bu komandanın səviyyəsinin göstəricisidir. Üzərimizdə təzyiq hiss etmirik. Sadəcə, bacardığımız ən yaxşı ortaya qoyub, qalib gəlməliyik. Rəqibin etibarlı müdafiə xətti var. Əla əks-hücumlar qurmağa qadirdilər. Özümüzə gəlincə, qol vurmamağımızı ilk oyunda bəxtsizliklə bağlayardım. İkinci qarşılaşmada isə buna gücümüz çatmadı". (futbolinfo.az)