Aktual mövzular: Dollar alış-satışı , Hava haqqında, Məzənnə, Neftin qiyməti

Astroloji proqnoz - 11 oktyabr

Astroloji proqnoz - 11 oktyabr

Date: 11 October 2016 00:18

Qoç - emosionallıq və tələsik qərarlar günün ilk yarısında işlərin gedişatına ciddi maneələr yarada bilər. Uğurlar sərfəli imkanlardan formalaşmaqla yanaşı, bu imkanlardan yararlanmağın üsul və vasitələrindən asılıdır. Nəyin fayda, nəyin zərər verəcəyini əvvəlcədən müəyyənləşdirmək asan deyil.

Buğa - rəqabət güclənəcək. Mühüm işləri ertələyin, yaxınlarınızla birlikdə istirahət edin. Çalışmağa davam etsəniz, yorulacaq, stress yaşayacaqsınız.

Əkizlər - vəziyyətdən baş açmaq, ətrafınızdakı insanların hərəkətlərini anlamaq çətinləşir. Onların barəsində tələsik nə isə deməkdənsə ilk əvvəl hadisələri müşahidə edin. Məişət problemləri və ailə qayğıları dəyər verdiyiniz insanlarla sərt danışığa səbəb olmamalıdır.

Xərçəng - yaxınlarınızın diqqət mərkəzində olmağınız pis deyil. Amma mövqeyinizdən narazı qalan və sizə paxıllıq edən insanlar situasiyanı gərginləşdirə bilərlər. Kompromislərə hazır olun. Əks təqdirdə düşmənlərlə rəqiblərin sayını artıra bilərsiniz.

Şir - astagəllik və hər məqamı ən kiçik xırdalıqlara, təfərrüatlaradək götür-qoy etmək istəyi yaxınlarınızı qıcıqlandıra bilər. Emosiyalara uymayın, hər sözə inanmayın. Məntiqli, soyuqqanlı olun.

Qız - situasiya spontan inkişaf edəcək. Planlarda dəyişikliklər, mühüm qərarların ertələnməsi zərurəti yaranacaq.

Tərəzi - tərəfdaş və şəriklərlə normal münasibətlər işlərin görülməsində karınıza gələcək. Yaxınlarınız mövqelərinizi dəstəkləyəcək, öz üzərilərinə əlavə öhdəliklər götürərək yardım edəcəklər.

Əqrəb - qaxınlarınızdan biri mübahisəsində hakimlik etmək üçün sizə müraciət edəcək, anlaşılmazlığın həllində yardım istəyəcək. Pis məqam deyil, amma təşəxxüsə qapılmayın. Üstəlik, qərarlarınıza görə məsuliyyətə hazırlaşın.

Oxatan - yaxın ətrafınızdakı insanlardan bəziləri sizə aşkar şəkildə paxıllıq edəcəklər. Saatlar keçdikcə günün olayları sizi yoracaq.

Oğlaq - cari problemləri həll etmək üçün imkanlar, əlaqələr və təmaslardan yararlanın. Şübhələrə qapılmayın, qərarları vaxtında və sürətlə qəbul edin. Belədə istənilən ağır situsiyadan uğurla çıxa bilərsiniz.

Dolça - yolda ehtiyatlı olun. Günün ikinci yarısında inadkarlıq, mövqelərdən zərrə qədər geri çəkilməmək, dəyişməməkdə israrlı olmaq sevdiyiniz insanla münasibətlərinizə zərbə vura bilər.

Balıqlar - qayğaları unutmasanız da, onların bəzisinin çözümünü ertələyin. Həllini tələb edən işlə məşğul olun və diqqəti əsas məsələyə yönəldin. İnkişaf edin, sosial yaşamdakı mövqelərinizi gücləndirin. Yardım gözləyən insana kömək edin.

Milli.Az


Tags:  Astroloji proqnoz 11 oktyabr

RƏYLƏR


Top news