Aktual mövzular: Dollar alış-satışı , Hava haqqında, Məzənnə, Neftin qiyməti

Qrip olanlar üçün həkim məsləhəti

Qrip olanlar üçün həkim məsləhəti

Date: 11 October 2016 08:42

Zökəm orqanizmin qoruyucu reaksiyalardan biridir. Burnun daxilində xüsusi hüceyrələr var ki, onlar selik ifraz edir.

Milli.Az saglamolun.az-a istinadən bildirir ki, selik burun boşluğuna nəfəsalma zamanı düşən toz, mikroblar, virusları və s. yuyub aparır.

Mikrobların və ya virusların sayı artdıqda seliyin miqdarı da artır. Orqanizm bununla mikrob və viruslardan tez bir zamanda azad olmağa çalışır. Məhz bu səbəbdən bakterial və ya virus infeksiyaların ilk simptomlarından biri zökəmdir. Zökəm zamanı burnumuzdan gün ərzində 2 litrə qədər selik ifraz oluna bilər.

Virus infeksiyası zamanı burundan şəffaf selik, bakterial infeksiyası zamanı sarılı-yaşıllı irinə oxşar maye ifraz olunur.

Zökəm mütləq müalicə olunmalıdır. Uzun müddət ərzində müalicə olunmayan zökəm haymorit kimi ağır fəsadın inkişafına səbəb ola bilər.

Lor həkimləri zökəm zamanı xəstələrə bu kimi tövsiyələr verir:

1. Parça dəsmallardan deyil, birdəfəlik kağız dəsmallardan istifadə edin. Bu ifraz olunmuş mikrobların yenidən burun boşluğuna düşməsininin qarşısını alır.

2. Burnunuzu təmizləyəndə, əvvəl burnun bir hissəsini (bu zaman digər hissəsini barmaqla sıxmaq lazımdır), sonra o biri hissəsini təmizləyin.

3. Burnunuzu təmizləyəndə ağzınızı bir qədər açıq saxlayın. Bu mikrobların burunla qulağı daxildən birləşdirən yevstaxi borusu ilə qulağa düşməsinə və burada iltihabın inkişafına mane olacaq.

4. Mayenin qəbulunu artırın.

5. Zökəm zamanı adətən damardaraldıcı damcılardan istifadə olunur. Bu damcılar çox yaxşı kömək edir və seliyin daha asan axmasına kömək edir. Lakin bu damcıları 7 gündən artıq istifadə etmək olmaz.

6. Xalq təbabəti vasitələrindən zökəm zamanı xardal əlavə olunmuş isti ayaq vannaları yaxşı kömək edir. 5 litr isti suya 3 xörək qaşığı xardal tozu tökün. Yatmazdan əvvəl bu suda ayaqlarınızı 15 dəqiqə saxlayın, sonra yaxşı qurulayın və yun corab geyinin.

7. Zəncəfil çayı da soyuqdəymə və zökəm zamanı ən sınanmış vasitələrdən biridir. 3-4 sm olan zəncəfil kökü sürtgəcdən keçirilir, 1 stəkan qaynar suda 20-30 dəqiqə ərzində dəmlənilir, süzülür, bal və limon əlavə olunur.

Milli.Az


Tags:  Qrip olanlar həkim məsləhəti

RƏYLƏR


Top news