Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Sədərək Ticarət Mərkəzində iki polis əməkdaşını bıçaqlayan şəxsin apellyasiya şikayətinə baxılıb

Sədərək Ticarət Mərkəzində iki polis əməkdaşını bıçaqlayan şəxsin apellyasiya şikayətinə baxılıb

Date: 11 October 2016 09:17

Bakı. 11 oktyabr. REPORT.AZ/ Bakı Apellyasiya Məhkəməsində adam öldürməyə cəhd etməkdə təqsirləndirilən İsmət Bəkirov barəsində olan hökmdən verilən apellyasiya şikayəti üzrə məhkəmə prosesi başa çatıb.
“Report”un məlumatına görə, hakim Mirzəli Abbasovun sədrliyi ilə keçirilən iclasda qərar elan olunub.
Qərara əsasən, İ.Bəkirovun apellyasiya şikayəti təmin edilməyib, birinci instansiya məhkəməsinin çıxardığı hökm dəyişdirilmədən saxlanılıb.
Qeyd edək ki, ittiham aktına əsasən, 2015-ci ilin noyabrın 16-da paytaxtın Lökbatan qəsəbəsində fəaliyyət göstərən Sədərək Ticarət Mərkəzində qapıçı işləyən, əvvəllər məhkum olunmuş İ.Bəkirovun qadağan edilmiş ərazidə siqaret çəkib yerə atması səbəbindən həmin vaxt orada xidməti vəzifələrini icra edən Daxili İşlər Nazirliyinin (DİN) Baş Mühafizə İdarəsinin Qaradağ rayon Mühafizə şöbəsinin polis nəfərləri Şaiq Ağayev və Vüqar Qəmbərov ona yaxınlaşaraq bu barədə iradlarını bildirib. İradlarla razılaşmayan İ.Bəkirov üstündə gəzdirdiyi bıçaqla V.Qəmbərovun bel nahiyəsindən, Ş.Ağayevin isə qarın boşluğundan daxilə nüfuz edən xəsarətlər yetirməklə onları qəsdən öldürməyə cəhd edib, lakin öz iradəsindən asılı olmayan səbəblərə görə, cinayət əməlini başa çatdıra bilməyib. Zərərçəkmişlər aldıqları xəsarətlərlə bağlı DİN-in Hospitalına yerləşdiriliblər.
Fakta görə Qaradağ Rayon Prokurorluğunda Cinayət Məcəlləsinin 29, 120.2.3-cü (zərərçəkmiş şəxsin xidməti vəzifəsini və ya ictimai borcunu yerinə yetirməsi ilə əlaqədar onun özünü və ya yaxın qohumunu qəsdən öldürməyə cəhd) maddəsi ilə cinayət işi başlanıb, müvafiq ekspertizalar təyin edilib, cinayətin aləti olan bıçaq maddi sübut kimi götürülüb və digər zəruri istintaq tədbirləri həyata keçirilib.
Bakı Ağır Cinayətlər Məhkəməsinin hökmü ilə İ.Bəkirov 16 il 6 ay müddətinə azadlıqdan məhrum edilib. Hökmdən narazı qalan məhkum apellyasiya şikayəti verib.

Tags:  Sədərək Ticarət Mərkəzində iki polis əməkdaşını bıçaqlayan şəxsin apellyasiya şikayətinə baxılıb

RƏYLƏR


Top news