Bakı. 11 oktyabr. REPORT.AZ/ İtaliyanın "Yuventus" klubu 10 yaşlı fələstinli futbolçu Rəşid əl-Həcəvi ilə müqavilə bağlayıb.
"Report"un məlumatına görə, Əl-Həcəvi "Youtube"dakı bir neçə videorolik sayəsində məşhurlaşıb. Həmin görüntülərdə o, əla texnikasını nümayiş etdirir.
Əl-Həcəvi Norveçdə fələstinli ailədə doğulub. O, artıq "Yuventus"un stadionuna baş çəkib və həmyaşıdları ilə klub bazasında ilk məşqinə çıxıb. Artıq bəziləri Rəşidi "yeni Messi" adlandırır.