Aktual mövzular: Dollar alış-satışı , Hava, Məzənnə, Neftin qiyməti

“Samsung Galaxy S8” fevralın sonunda təqdim ediləcək

“Samsung Galaxy S8” fevralın sonunda təqdim ediləcək

“Samsung Galaxy S8” yüksəksürətli kamera ilə təchiz ediləcək (18 Mart 2017 12:35)
“Samsung Galaxy S8” ödənişlər üçün üzün tanınması texnologiyasına malik olacaq (17 Mart 2017 12:35)
"Galaxy Note 4" partladı - 5 yaşlı uşaq xəsarət aldı - FOTO (14 Mart 2017 16:37)

Tarix: 11 Oktyabr 2016 10:35

"Samsung” şirkətinin qabaqcıl smartfonlarının təqdimatı ənənəvi olaraq ayların əvvəlində keçirilir, lakin artıq internetdə "Galaxy S8” qurğusunun hansı funksiyalarla təchiz ediləcəyi barədə şayiələr yayılmağa başlayıb. 
 
“ICTnews” Elektron Xəbər Xidməti “4PDA” resursuna istinadən yazır ki, bəzi məlumatlara görə, aparatda “Home” düyməsi ləğv ediləcək, barmaq izləri skaneri isə bilavasitə displeyə quraşdırılacaq. Bundan əlavə, ekran bütün üst qatı örtəcək və “Edge” istehsal xəttindən olan modellərdə olduğu kimi, təkcə yan tərəflərə deyil, həm də yuxarı və aşağıya əyiləcək. Həmçinin “Galaxy S8” Cənubi Koreya istehsalçısının ilk ikikameralı smartfonu olacaq. Hazırda isə yeni qurğunun təqdimatının nə vaxt baş tutacağı məlum olub. “Ricciolo” saytı “Twitter” səhifəsində fevralın 26-da Barselonada “MWC 2017” sərgisi çərçivəsində keçiriləcək “Samsung Galaxy Unpacked” tədbirinin elanını yerləşdirib.   
 
Elanda “8” rəqəminin yer aldığı açıq göz şəklini görmək mümkündür. Bu, yeni qabaqcıl qurğunun “Galaxy S8” adlandırılmasının, eləcə də "Galaxy Note 7” smartfonunda olduğu kimi, gözün qüzehi qişası skanerinin mövcudluğunun təsdiqi ola bilər. Həmçinin “Galaxy S8”-də “Mali-G71” qrafik sürətləndirici ilə yeni "Exynos 8895” prosessorundan istifadə ediləcəyi barədə məlumatlar yayılıb.

Nizam Nuriyev
 



Teqlər:  Samsung Galaxy S8 fevralın sonunda təqdim ediləcək



RƏYLƏR


Top xəbərlər