TV8-in rəhbəri və aparıcı Acun Ilıcalı "Survivor"ın yeni mövsümünün hazırlıqlarına başlayıb.
Axşam.az-ın Türkiyə mətbuatına istinadən məlumatına görə, bir müddət əvvəl Acun 2017-ci ildə baş tutacaq yarışmanın artıq 2-3 iştirakçısının bəlli olduğunu bildirmişdi.
O, bu günlərdə "Beşiktaş"ın əfsanəvi futbolçusu Daniel Amokaçi ilə görüşüb. Daha əvvəl İbrahim Yattara və Paskal Numa kimi qaradərili futbolçuları proqrama dəvət edən İlıcalının Amokaçini də "Survivor"a çağırdığı deyilir.
Nigeriyada önəmli siyasi şəxslərdən sayılan 44 yaşlı D.Amokaçinin əkiz oğulları Nazim və Kalim "Beşiktaş"ın U-21 komandasında oynayırlar.
