Bəstəkar Nailə Mirməmmədli nənə olacaq. Lent.az-ın məlumatına görə, bəstəkar bu barədə “Ondan sonra” verilişində ayrılıq mövzusunda danışarkən deyib: “Allah heç kimin ailəsində bivaxt ölüm nəsib etməsin. Həyat yoldaşımın ölümü bivaxt oldu. Amma çöhrəmdə aydınlıq var. Demirəm ki, bu ayrılığa öyrəşmişəm, sadəcə olaraq Hikməti hər zaman yanımda hiss edirəm. Onun övladları mənə çox böyük təskinlikdi. Allah hər kəsin evinə şadlıq nəsib etsin, yaxınlarda nənə olacam. Bu da məni sevindirir. Bu bizim ailədə böyük bir bayramdır”.
Qeyd edək ki, N.Mirməmmədlinin oğlu Cavidan sevdiyi xanımla 2015-ci il iyunun 1-də ailə qurub.