ABŞ-ın “The National İnterest” nəşri Rusiya və Amerika
arasında mümkün müharibədə tətbiq olunacaq 10 öldürücü silahla
bağlı material yayımlayıb.
Publika.az xəbər verir ki, siyahıda olan silahlardan
birinin Azərbaycan Silahlı Qüvvələrinin arsenalında olması diqqət
çəkir.
T-90 tankı
Nəşr bunun öldürücü silah olduğunu yazıb. Bu tanklar Rusiyanın
zirehli maşınları sırasında “Armata” istisna olmaqla ən müasiridir.
“Armata” hələ istehsal olunur və silah arsenalına daxil edilməyib.
T-90 SSRİ-nin tankı olan T-72-nin müasirləşdirilmiş formasıdır.
T-72 müasirləşdirilərək, T-80 ilə əvəz olundu. Lakin çeçen
müharibəsində T-80-nin uğurlu olmadığı ortaya çıxdı. Bundan sonra
Rusiya hərbi kompleksi T-90 tankının istehsalına başladı.
T-90 Qərbin “Bəbir-2”, yaxud M1A2 “Abrams” kimi tanklarına
alternativ hesab olunur. T-90 aşkarlama və idarəetmə sisteminə
malikdir. Həmçinin, güclü müdafiə sistemi var.
Nəşrin məlumatına görə, T-90 tankları Azərbaycan, Türkmənistan,
Əlcəzair, Uqanda və Hindistan ordusunda da var. Hazırda Moskva
T-90MS adı ilə tankın təkmilləşdirilmiş versiyasını təklif
edir.
Asif