Aktual mövzular: Dollar alış-satışı , Hava haqqında, Məzənnə, Neftin qiyməti

Robert Prosineçki: "Heç kimin əsəbi bu qədər gərginliyə tab gətirə bilməz"

Robert Prosineçki: "Heç kimin əsəbi bu qədər gərginliyə tab gətirə bilməz"

Date: 11 October 2016 14:27

Bakı. 11 oktyabr. REPORT.AZ/ Futbol üzrə Azərbaycan milli komandasının baş məşqçisi Robert Prosineçki siqaret çəkməsinə münasibət bildirib. 
"Report"un Çexiya mətbuatına istinadən verdiyi məlumata görə, xorvatiyalı mütəxəssis siqaret çəkməyin fəlakət olduğunu deyib.
R.Prosineçki bədəninin əksər hissəsində tatu olması ilə bağlı bunları bildirib: "Siqaret çəkmək fəlakətdir. Ancaq siqareti tərgidə bilmirəm. Əksinə, baş məşqçi olduqdan sonra daha çox siqaret çəkirəm. Heç kimin əsəbi bu qədər gərginliyə tab gətirə bilməz. Futbolçu karyeranı həmişə yüksək səviyyədə keçirməyinə heç kim zəmanət verə bilməz. Tanınmış futbolçu olduğumdan mənə tanınmış məşqçi olmaq lazım deyildi. Futbolçu kimi həmişə qələbə qazanmışam. İstəyirəm ki, bu amili Azərbaycanın futbolçularına da aşılayım".
47 yaşlı baş məşqçi Azərbaycanda çalışmasından da danışaraq, ölkədə futbola istəyin artdığını vurğulayıb: "Mənim Azərbaycanda əsas məqsədim oyunçulara qələbə ruhunu, sona qədər mübarizə aparmağı aşılamaqdır. Bakı AVRO-2020-yə ev sahibliyi edəcək şəhərlərdən biridir. Bu, Azərbaycan üçün açar rolunu oynayır. Artıq hər kəs yerli əhalinin hansı mentalitetə sahib olduğunu bilir. Bura idman ölkəsidir və insanlar futbolu sevirlər. Bu ölkənin böyük potensialı var. İnfrastrukturlar var və futbola böyük yatırımlar edilir. Xeyli gənc oyunçu var".

Tags:  Robert Prosineçki Heç kimin əsəbi bu gərginliyə tab gətirə bilməz

RƏYLƏR


Top news