Aktual mövzular: Dollar alış-satışı , Hava haqqında, Məzənnə, Neftin qiyməti

Sarkisyanın yaxın ətrafı yeni partiya yaradır – Putinin İrəvan üçün yeni SSENARİSİ

Sarkisyanın yaxın ətrafı yeni partiya yaradır – Putinin İrəvan üçün yeni SSENARİSİ

Date: 11 October 2016 14:48

Ermənistanda prezident aparatının sədr müavini Viktor Dallakyan vəzifəsindən istefa verib.

Publika.az
Ermənistan mediasına istinadən xəbər verir ki, Dallakyan istefasının şəxsi qərarı əsasında olduğunu bildirib.

V. Dallakyanın yeni partiya yaradacağı haqda məlumatlar var. Onun “aktiv siyasətə qoşulacam” deməsi də bunu deməyə əsas verir.

Dallakyan vaxtilə müxalifətdə olan “Ədalət” partiyasının sədri olub. Sonra o, hakim Respublika Partiyasına keçib və parlamentin deputatı olub. Daha sonra yüksək postda təmsil olunub.

Onun hakim partiyadan istefa verərək “İnkişaf naminə dönüş” adlı yeni partiya yaradacağı deyilirdi.

Dallakyanın vəzifəsindən istefa verməsi və “aktiv siyasətlə” məşğul olacağını deməsi bu məlumatları doğrulayır.

Yeni yaranacaq partiya Rusiya tərəfindən maliyyələşəcək. Məlumatlara görə, partiyaya informasiya dəstəyi vermək üçün “politinfo.am” saytı yaradılacaq. Sayt yaxın günlərdə fəaliyyətə başlayacaq.

Ən maraqlı məqam isə keçmiş müdafiə naziri Seyran Ohanyanın Dallakyanın partiyasına sədrlik etməsi haqda deyilənlərdir.

Məlumatlara görə, Dallakyan Ohanyana belə bir təklif verib. Kollektiv Təhlükəsizlik Müqaviləsi Təşkilatına (KTMT) baş katib getməkdən imtina edən Ohanyanın bu təklifi qəbul etdiyi deyilir.

Kulislərdə gəzən söhbətlərə görə, Sarkisyanın vəzifədən çıxardığı şəxslər Ohanyanın liderliyi altında birləşirlər.

Rusiyanın Ermənistanda Sarkisyana müxalif olan partiyaya dəstək verməsi də suallar yaradır.

“Lragir” saytı yazır ki, Putin Ermənistan siyasətini yeniləyir. Hansı ki, aprel müharibəsindən sonra Ermənistandakı proseslər Kremlin ürəyincə olmadı.

“Ermənistan Rusiyanın forpostu rolunu oynayır. Lakin görünür Kreml əlavə variantlar da hazırlayır. Əgər hakimiyyət yanlış yol tutarsa, onun yerinə gələ biləcək güc də Putinin əlində olmalıdır”, - deyə sayt qeyd edib.

Asif


Tags:  Sarkisyanın yaxın ətrafı yeni partiya yaradır Putinin İrəvan yeni SSENARİSİ

RƏYLƏR


Top news