Belçika millisinin futbolçusu Kristian Bentekenin rekordu rəsmiləşib.
Milli.Az apasport.az-a istinadən xəbər verir ki, FİFA və UEFA onun Cəbəlüttariqlə DÇ-2018-in seçmə oyununda vurduğu topu beynəlxalq turnirlərin ən erkən qolu elan edib. Bentekenin qolu rəsmi olaraq 8,1-ci saniyə kimi qeydə alınıb.
Bununla, belçikalı 1993-cü ildən toxunulmaz qalan rekordu arxada qoyub. 23 il zirvədə qalan isə San-Marino millisinin futbolçusu David Qualtieri idi. Yığma karyerasında cəmi 1 qol vuran futbolçu bunu İngiltərə ilə matçın 8,3-cü saniyəsində bacarmışdı. Benteke həmin göstəricini 0,2 saniyə qabaqlayıb.
Qeyd edək ki, beynəlxalq oyunların mütləq rekordu Lukaş Podolskiyə məxsusdur. Bundestimin futbolçusu Ekvadorla yoxlama oyununda 6-cı saniyədə qol vurub.
Milli.Az
