Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

OPEC neft hasilatını yeni rekord həddə çatdırıb

OPEC neft hasilatını yeni rekord həddə çatdırıb

Azerbaijani Energy Minister to attend OPEC conference (24 November 2016 20:46)

Date: 11 October 2016 15:17

Bakı. 11 oktyabr. REPORT.AZ/ OPEC təşkilatı üzvlərinin neft hasilatı bu ilin sentyabr ayında 160 min barel/gün və ya 0,48% artaraq 33,64 mln. barel/günə çatıb. Bu, yeni tarixi rekord sayılır.
"Report" Beynəlxalq Energetika Agentliyinin aylıq hesabatına istinadən xəbər verir ki, artım əsasən İraqda hasilatın rekord səviyyəyə çatması və Liviyanın hasilatı bərpa etməsi hesabına baş verib. Bu iki ölkədəki hasilat artımı Anqola və Səudiyyə Ərəbistanının hasilatındakı azalmanı kompensasiya edib. 
Ümumilikdə, OPEC-in hasilatındakı yüksəliş neft təklifinin keçən ilin analoji dövrü ilə müqayisədə 900 min barel/gün artmasına səbəb olub. Qlobal neft təklifi sentyabrda illik müqayisədə 0,6 mln. barel/gün artıb.
Qeyd edək ki, OPEC üzvü olmayan ölkələrdə ümumi neft hasilatı isə sentyabrda illik müqayisədə 500 min barel artaraq 56,59 mln. barel/gün olub. Bu ölkələr sırasında hasilatın ən güclü artımı Kanadada baş verib və gündəlik 4,32 mln. barel təşkil edib. Beləliklə, sentyabrda gündəlik qlobal neft təklifi 97,2 mln. barelə çatıb. İEA-ya görə, bu il neftə tələbin 96,3 mln. barel/gün, gələn il isə 97,5 mln. barel/gün olması proqnozlaşdırılır.

Tags:  OPEC neft hasilatını yeni rekord həddə çatdırıb


RƏYLƏR


Top news