Kamran Ağayevlə Emin Mahmudov üçün yeni baş məşqçi

Kamran Ağayevlə Emin Mahmudov üçün yeni baş məşqçi
16:47 11 Oktyabr 2016
21 İdman
Ölkə mətbuatı
A- A+

Portuqaliyanın "Boavişta" futbol komandasına yeni baş məşqçi təyin olunub. Fanat.Az xəbər verir ki, komandaya Migel Leal başçılıq edəcək.


51 yaşlı mütəxəssislə sonradan daha 1 il uzadıla bilməsi şərtilə cari mövsümün sonunadək müqavilə bağlanılıb. Leal yeni vəzifədə ötən gün istefaya göndərilmiş Ervin Sançesi əvəzləyib. Əvvəlki məşqçilər korpusundan Xorxe Koutu və Alfredo Kastro komandada qalıb. Yeni baş məşqçi isə özü ilə köməkçi qismində Alvaro Paçeko, Elias Nunyes və Pedro Valdemarı gətirib.


Qeyd edək ki, Migel Lealın son iş yeri "Moreyrense" olub. Leal 2014-cü ildən rəhbərlik etdiyi komandanı ötən mövsüm Portuqaliya çempionatının yüksək liqasında saxlamağa müvəffəq olub. "Boavişta"da Azərbaycan yığmasının 2 oyunçusu - qapıçı Kamran Ağayevlə yarımmüdafiəçi Emin Mahmudov çıxış edir. 


Fanat.Az


Xəbərin orijinal ünvanı: http://fanat.az/xeber-kamran-aayevl-emin-mahmudov-ucun-yeni-ba-mqci-t53274.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR