"Hardasan əə, 3 gündür qaçıb gizlənirsən? Bakıda at oynadırsan"

"Hardasan əə, 3 gündür qaçıb gizlənirsən? Bakıda at oynadırsan"
16:47 11 Oktyabr 2016
2921 Ölkə
Ölkə mətbuatı
A- A+

MTN generalı Akif Çovdarovun barəsində aparılmış istintaq yekunlaşıb və ona qarşı irəli sürülmüş çoxsaylı cinayət ittihamları üzrə istintaq materialları məhkəməyə təqdim olunub. Çovdarovun işinə Sabunçu Rayon Məhkəməsinin binasında hərbi məhkəmə heyəti tərəfindən baxılacaq. Prosesin başlaması iki dəfə təxirə düşüb və jurnalistlər məhkəməyə buraxılmayıb. 

Milli.Az virtualaz.org-a istinadən bu gündən başlayaraq qanqster-generalın cinayət işi üzrə istintaq materiallarından sensasion, indiyədək heç yerdə bəhs olunmayan epizodları oxuculara təqdim edəcək. Belə epizodlardan biri Çovdarovun işi üzrə zərərçəkən iş adamlarından biri, qızıl-zinət əşyalarının istehsalı və satışı ilə məşğul olan "Riyad Prodakşn" şirkətinin direktoru Qurbanov Şahmar Sərdar oğlunun istintaqa verdiyi ifadədir.

"Hardasan əə, 3 gündür gizlənirsən?"

Şahmar Qurbanov istintaqa verdiyi ifadədə göstərib ki, 1994-cü ildən zərgərlik fəaliyyəti ilə məşğul olur. 2007-ci ildə onu Akif Çovdarov MTN-ə çağırıb, Qurbanov generalın xidməti kabinetində onunla görüşüb. Və iş adamı otağa girən kimi Çovdarov onun üstünə qışqırıb: "Hardasan əə, üç gündür qaçıb gizlənirsən? At oynadırsan Bakıda, bir hindistanlıya 120 min dollar borcun var. Ona pul atmısan, milyonlar qazanırsan, gizli yolla brilyant gətirmisən. Bakı Əyləncə Mərkəzində toy etmisən, filan qədər pul vermisən".

Şahmar Qurbanovun bildirdiyinə görə, Çovdarov daha sonra onun nə vaxt hansı ölkəyə səfər etdiyi, Bakıdakı evlərinin sayı, 4 maşınının olması barədə məlumatları deyib. Onun telefon danışıqlarından sitatlar gətirib və iş adamı əmin olub ki, Çovdarov onun telefon danışıqlarına qulaq asdırıb. Habelə izlətdirib.

Ya 1 milyon dollar, ya "podval"

Hədə-qorxu və şantajdan sonra Çovdarov mətləbə keçib və qızıl-brilyant alverçisinə deyib: "İndi 2 adam çağıraram, narkotiki qoyarlar qabağına, buradan da birbaşa gedərsən podvala. Ya da 1 milyon dollar verib canını qurtara bilərsən".

Şahmar Qurbanov MTN generalının bu hədə-qorxusundan özünü itirib, qorxusundan əsə-əsə Çovdarova yalvarıb ki, onu buraxsın. Ancaq deyib ki, ona verməyə 1 milyon dolları yoxdur, bu qədər pulu düzəldə bilməz.

Bədheybətin yumşalması: "Sənə hörmətim bu olar ki..."

Bədheybət general bu dəfə "yumşalır" və iş adamına "hörmət" edir: "Sənə hörmətim bu olar ki, 500 min dollar verəsən, qalan 500 min dolları da brilyant olaraq çatdırasan. Sənə 3 gün vaxt verirəm".

Ş.Qurbanov həbs olunacağından qorxaraq dərhal Çovdarovun bu "konstruktiv təklifi" ilə razılaşır. İş adamı ifadəsində təsdiq edir ki, onun, həqiqətən də, Qriş adlı Hindistan vətəndaşına 120 min dollar borcu var idi. Çovdarov isə bu məlumatı ola bilsin onun telefon danışıqlarına qulaq asdırmaqla öyrənib. Yaxud məlumatı Çovdarovun işçisi və Qrişin dostu İsgəndər Hüseynov ona ötürüb.

Bunun ardınca Çovdarov həmin İsgəndər Hüseynovu otağına çağırır, ona göstəriş verir ki, qızıl alverçisini başqa otağa aparıb Qrişə olan borcunu 2 ay ərzində ödəyəcəyinə dair ərizə-iltizam yazdırıb imzalatsın. Çovdarovun "çekisti" iş adamını qonşu otağa aparır və ona müvafiq ərizəni yazıb imzalatdırır. Və iş adamı ərizəni imzalayıb MTN-dən çıxır.

Çovdarovun işçisi cəmi 5-6 gün sonra peyda olur: "Qrişin borcunu təcili ödə"

Lakin cəmi 5-6 gün sonra İsgəndər Hüseynov Ş.Qurbanovun iş yerində peyda olur, ona bildirir ki, Qrişə olan borcu təcili ödəmək lazımdır. Ş.Qurbanov çıxılmaz vəziyyətdə qalır və deyir ki, hazırda o qədər pulu yoxdur. Bu zaman Çovdarovun işçisi rəisi kimi "kompromis" təklif edir, bildirir ki, pulu yoxsa 120 minlik əmlak da verə bilər.

Şahmar Qurbanovun bu təkliflə razılaşmaqdan başqa yolu qalmır. O, Bakının Əhmədli qəsəbəsində çoxmərtəbəli bina inşa edən dostu Rövşəndən xahiş edir ki, tikdirdiyi binada 120 min dollarlıq bir mənzili İsgəndərin arvadının adına sənədləşdirsin. Sənədləşmə baş tutur, ancaq həmin mənzildə nə Çovdarovun işçisi, nə arvadı yaşamır. Mənzil 2 aydan sonra satılır.

İş adamı bütün var-dövlətini satır...

İş adamı Çovdarovun tələb etdiyi 500 min dolları düzəltmək üçün Bakının Zərgərpalan küçəsində yerləşən 250 kvadratmetrlik mülkü Aqil adlı başqa qızıl alverçisinə 470 min dollara satır. Üstəlik, Anar adlı dostundan 100 min dollar borc alır. Habelə özünə məxsus "Hummer H3", "Mercedes S Class" və "Craysler" markalı avtomobilləri satıb, bu satışdan daha 100 min dollar toplayıb. Bununla da kifayətlənməyib və İradə adlı tanışından 70 min dollar borc alıb.

Çovdarovun 050 210 60 12 mobil nömrəsinə zəng, "Şamaxinka" da generala verilən 500 min dollar

Şahmar Qurbanov həmin pulları MTN-dən çıxandan sonra cəmi 3-4 gün ərzində toplayıb. O, 2007-ci il avqust ayının ortalarında Çovdarovun 050 210 60 12 mobil nömrəsinə zəng vuraraq məbləğin hazır olduğunu deyib. Əvvəlcədən razılaşdıqları kimi 500 min dolları Bakının "Şamaxinka" ərazisində Çovdarovun xidməti avtomobilində onun özünə çatdırıb. Çovdarov pulu alandan sonra bildirib ki, qalan 500 min dollarlıq brilyantın nə vaxt hansı şəkildə çatdırılmalı olduğunu telefonla bildirəcək. Bildirib ki, həmin daş-qaşı hazırlamaq üçün 1-2 ay vaxt verir.

Ş.Qurbanov Çovdarovun ondan tələb etdiyi 500 min dollarlıq brilyantı ala bilmək üçün Bakının Səməd Vurğun küçəsindəki mənzilini 120 min dollara satıb, arvadı üçün aldığı "Toyota Camry" avtomobilini və onun qızıl-zinət əşyalarını və s. satıb. Bu yolla 400 min dollar cəmləşdirib.

Brilyant dalınca Hindistana, oradan Dubaya...

2007-ci ilin payızında Ş.Qurbanov Akif Çovdarovun tələb etdiyi brilyan daş-qaşa baxmaq üçün Hindistana, oradan Dubaya gedib. Dubaydan daş-qaşın siyahısını götürərək oradan Çovdarovun mobil telefon nömrəsinə zəng vurub. Çovdarov deyib ki, hazırda İstanbuldadır və orada görüşmək lazımdır. Qurbanov elə həmin gün Dubaydan İstanbula uçur, Çovdarovla görüşüb ona brilyant daş-qaşın siyahısını təqdim edir.

Çovdarov iki qızı və gəlini üçün nə sifariş verdi

Çovdarov bu siyahı ilə tanış olduqdan sonra iki qızı və gəlini üçün 9 ədəd 1 karatlıq brilyant, arvadı üçün 1 ədəd 3 karatlıq brilyant seçib. Ş.Qurbanov ertəsi gün İstanbuldan Bakıya gəlib. Buradan Çovdarovun ona caladığı İsgəndər Hüseynovla birlikdə brilyant daş-qaşı almaq üçün yenidən Dubaya uçub. Çovdarovun seçdiyi brilyantlara 120 min dollar verərək alıb və İsgəndərlə birlikdə Bakıya qayıdıb. Bakıya qayıdan günü ertəsi Ş.Qurbanov Çovdarova zəng edərək daş-qaşın hazır olduğunu deyib. Və razılaşdıqları kimi həmin daş-qaşı generala MTN-in inzibati binasının qarşısında, Parlament prospektində yenə də Çovdarovun xidməti avtomobilində ona şəxsən çatdırıb.

İş adamı ifadəsində deyib ki, Dubaydan brilyantları alıb gətirəndə Bakı aeroportunda onu MTN əməkdaşları qarşıladı və sərhəd-gömrük yoxlamasındn keçirdi.

Bu dəfə Eldar Mahmudov üçün brilyant - 260 min dollarlıq

Çovdarov qızları və arvadı üçün daş-qaşları alandan bir gün sonra yenidən Ş.Qurbanova zəng vurur. Bu dəfə deyir ki, "rəhbərlik üçün" (nazir Eldar Mahmudov nəzərdə tutulur) 2 ədəd 4 karatlıq və 1 ədəd 5 karatlıq, sertifikatı olan brilyant gətirmək lazımdır. Ş.Qurbanov bu tapşırıq əsasında 5 gün sonra yenidən Dubaya uçur, oradan MTN "rəhbərliyi" üçün nəzərdə tutulan brilyantı 260 min dollara alıb Bakıya gətirir. Çovdarova zəng vurur və ertəsi gün onun Novxanıdakı bağ evində generalla görüşərək daş-qaşı çatdırır. Bu zaman Çovdarov xəbərdarlıq edir: "Əgər sənin bu brilyantları almağın haqda İsgəndər də daxil olmaqla kimsə eşitsə həbsə gedəcəksən!".

Generalın qızları və arvadı zərgərlik sexinə gedir...

Beləliklə, Ş.Qurbanov Çovdarova 500 min dollar nəğd və 380 min dollarlıq brilyant olmaqla cəmi 880 min dollar verir. Qanqsterin soyğuçuluğu bununla da bitmir. Üstəlik, cinayət işinin materiallarından məlum olur ki, soyğunçuluğa nəinki Çovdarov özü, üstəlik onun arvadı və qızları da qoşulubmuş. Belə ki, aradan bir neçə gün keçəndən sonra Çovdarovun arvadı və qızları Ş.Qurbanovun işlətdiyi zərgərlik sexinə gəlir. Ona əmr edilir ki, Dubaydan gətirilən brilyant qaşlara uyğun olaraq qızıl üzük-sırqa düzəltsin. Qurbanovun bu işə daha 1000-1500 manatı gedir. Qızıl taciri, nəhayət, müflisləşir və Azərbaycanda fəaliyyətini dayandıraraq 2011-ci ildə İstanbulda qızıl alverinə girir.

İstintaq Ş.Qurbanovu A.Çovdarovla üzləşdirib və generalın bu soyğunçuluq əməllərinə dair dəlil-sübutları təqdim edib. Habelə 500 min dolları Çovdarova çatdırarkən onun xidməti maşınının sükanı arxasında olan sürücünü də üzləşdirmədə tanıyıb. Həmin şəxs hazırda da DTX-də sürücü işləyən Atakişiyev Nurxan Aslan oğlu idi...

Milli.Az

RƏYLƏR

BU KATEQORİYADAN DİGƏR XƏBƏRLƏR

Ölkə mətbuatında bugün »

"Bakı Telefon Rabitəsi" İstehsalat Birliyinin sabiq rəhbəri apellyasiya şikayəti verib

24 Avqust 2017 11:12

Azərbaycanlı müğənni: "Yaşım az olsa da, çox şey görmüşəm" - VİDEO

24 Avqust 2017 11:09

Qənirə Paşayeva "Qarabağ" üçün səhnədə mahnı oxudu - VİDEO

24 Avqust 2017 11:08

Röya və Miri Yusif Heydər Əliyev Mərkəzinin parkında konsert verəcək

24 Avqust 2017 11:07

Rövnəq Abdullayev "Qarabağ"ı təbrik etdi

24 Avqust 2017 11:07

Yaşar Nurinin qızı müğənniliyə başladı? – “Səhnə üçün ölürəm”

24 Avqust 2017 10:59

ABŞ nüvə döyüş başlığı daşıyan yeni qanadlı raket yaradacaq

24 Avqust 2017 10:57

Qəhrəmanların qarşılanması - Fotoların dili ilə

24 Avqust 2017 10:57

VİDEO: Qənirə Paşayeva səhnədə mahnı oxudu

24 Avqust 2017 10:55

İlham Əliyev yeni “Tufan” gəmisinin təməlini qoydu

24 Avqust 2017 10:53

Astan Şahverdiyev: "Qarabağ FK"-nın qələbəsi məni maraqlandırmır"

24 Avqust 2017 10:53

Azərbaycan Prezidenti yeni inşa edilən “Tufan” tipli sərhəd gözətçi gəmisi ilə tanış olub

24 Avqust 2017 10:52

Türkiyədə sərnişin avtobusu körpüyə çarpılıb, 5 nəfər ölüb, çoxlu sayda sərnişin yaralanıb

24 Avqust 2017 10:52

Magistr və doktorantlar tələbə krediti ala biləcək - YENİLİKLƏR

24 Avqust 2017 10:49

İlham Əliyev “Tufan” tipli sərhəd gözətçi gəmisi ilə tanış olub

24 Avqust 2017 10:49

Rövnəq Abdullayev: “Bu, böyük tarixin ilk sətirləridir”

24 Avqust 2017 10:47

Məşhurların “Qarabağ” sevinci - FOTO/VİDEO

24 Avqust 2017 10:43

“Nüvə anbarı üzərində...” - ABŞ-a NÖVBƏTİ TƏHDİD

24 Avqust 2017 10:43

Bakıdakı toz dumanı nə vaxt çəkiləcək? - RƏSMİ AÇIQLAMA

24 Avqust 2017 10:39

Astara-Astara dəmir yolu 6 ay sonra fəaliyyətə başlayacaq

24 Avqust 2017 10:37

Azərbaycan vətəndaşının daxili orqanında heroin və metamfetamin aşkar olunub

24 Avqust 2017 10:37

Quba-Xaçmaz avtomobil yolunda təmir-bərpa işləri aparılır

24 Avqust 2017 10:37

Fasilədə Qurban Qurbanov dedi ki..." - Rəşad Sadıqov

24 Avqust 2017 10:37

“Samsung” şirkəti “Galaxy Note8” smartfonunu təqdim edib

24 Avqust 2017 10:35

Azərbaycanı şoka salan xəbər gəldi...

24 Avqust 2017 10:34

FÖVQƏLADƏ QEYRİ-ADİLİK! Heyrətə gələcəksiniz!

24 Avqust 2017 10:33

Prezident İlham Əliyev İtaliyanın Azərbaycanda yeni təyin olunan səfirinin etimadnaməsini qəbul edib

24 Avqust 2017 10:32

Nazirlik: Bakıda müşahidə olunan tozun miqdarı gün ərzində norma həddinə enəcək

24 Avqust 2017 10:32

“Oba köçdü” gülünün kədəri

24 Avqust 2017 10:24

Bu rəqsi etdiyinə görə onu həbs etdilər

24 Avqust 2017 10:24

ƏMDK: Müvafiq rəyi olmadan torpaqlar icarəyə və istifadəyə verilə bilməz

24 Avqust 2017 10:22

Beynəlxalq əmtəə, fond və valyuta bazarlarının əsas göstəriciləri (24.08.2017)

24 Avqust 2017 10:22

“İçerde” serialının qəhrəmanlarından GÖZLƏNİLMƏZ ADDIM - FOTO

24 Avqust 2017 10:18

Kılıçdaroğlu: " Biz qarderob Atatürkçüsü deyilik!" - VİDEO

24 Avqust 2017 10:18

“Para” BOKT kütləvi istiqraz emissiyası da planlaşdırır

24 Avqust 2017 10:17

Qaynadılmış qarğıdalının faydaları

24 Avqust 2017 10:17

Onlar "Qarabağın qələbəsini belə bayram etdilər...

24 Avqust 2017 10:14

Bakıda "Küləyin rəqsi" Beynəlxalq Çərpələng Festivalı keçiriləcək

24 Avqust 2017 10:12

Abşeron rayonunda körpənin üzərinə televizor düşməsi nəticəsində ölüb

24 Avqust 2017 10:12

Leyla Əliyevadan "Qarabağ"a TƏBRİK

24 Avqust 2017 10:08

"Qarabağ"ın qələbəsi erməniləri özündən çıxardı

24 Avqust 2017 10:06

Bakıda klassik avtomobillərin yürüşü və sərgisi keçiriləcək

24 Avqust 2017 10:02

"Qarabağ"ın vurduğu TARİXİ QOL

24 Avqust 2017 09:57

57 yaşlı müğənni özünü 6 yaş cavanlaşdırdı - FOTO

24 Avqust 2017 09:53

Proqnozlar Bürosu: Avqustun 27-dək Azərbaycanda arabir güclənən şimal küləyi əsəcək

24 Avqust 2017 09:52

Azərbaycan nefti bahalaşıb

24 Avqust 2017 09:52

"Qarabağ" Bakıya qayıtdı - AEROPORTDAN GÖRÜNTÜLƏR

24 Avqust 2017 09:49

VALYUTA MƏZƏNNƏLƏRİ

24 Avqust 2017 09:48

Xarici valyutaların manata qarşı məzənnələri

24 Avqust 2017 09:47

Şahin Mustafayevin vətəndaş qəbulunun vaxtı dəyişdirilib

24 Avqust 2017 09:42