Qubada piyada avtomobil tərəfindən vurulub.
Milli.Az "Report"a istinadən bildirir ki, hadisə günün axşam saatlarında Quba rayon Cəfər Cabbarlı küçəsində baş verib.
Rayon sakini, 1938-ci il təvəllüdlü, Qədirov Zahiddin Qədir oğlunu avtomobil vurub. Yaralı təcili tibbi yardım maşını vasitəsilə Quba Rayon Mərkəzi Xəstəxanasının reanimasiya şöbəsinə yerləşdirilib və ona kəllə-beyin travması, baş beyin silkələnməsi, üzün və alının əzilmiş yaraları diaqnozu qoyulub.
Hadisəni törətmiş avtomobilin sürücüsü barədə hələlik məlumat yoxdur.
Faktla bağlı Quba Rayon Polis Şöbəsində araşdırma aparılır.
Milli.Az