“Çoçuklar Gülsün Diye” dərnəyinin rəhbəri olan müğənni Gülben Ergen Ordu şəhərinin Altınordu qəsəbəsində ibtidai sinif məktəbi açıb.
Axşam.az Türkiyə mətbuatına istinadən xəbər verir ki, bu, “Çoçuklar Gülsün Diye” dərnəyinin Türkiyənin müxtəlif şəhərlərində tikdiyi 35-ci məktəb olub.
Rəsmi şəxslərin də qatıldığı açılış mərasimində çıxış edən G.Ergen qürur hissi keçirdiyini bildirib:
“5 ildə 35 məktəb tikərək Təhsil Nazirliyinə təhvil verdik. Məqsədimiz Türkiyənin 81 vilayətində 81 məktəb tikməkdir. 36-cı məktəbimiz Fatsa qəsəbəsində tikiləcək”.
Qeyd edək ki, dərnək valideynlərin maddi yardımları sayəsində fəaliyyət göstərir.
