Saakaşvilinin partiyası seçkilərin ikinci turunda iştirak edəcək

Saakaşvilinin partiyası seçkilərin ikinci turunda iştirak edəcək
07:24 12 Oktyabr 2016
46 Digər
Ölkə mətbuatı
A- A+

Gürcüstanın sabiq prezidenti Mixail Saakaşvilinin qurucusu olduğu müxalif Vahid Milli Hərəkat partiyası  ölkədəki parlament seçkilərinin ikinci turunu boykot etməməyi və seçkilərdə iştirak etməyi qərara alıb.

 

APA-nın “RİA Novosti”yə istinadən verdiyi xəbərə görə, bu barədə partiya lideri David Bakradze bildirib.  

 

“Bizim partiya yeganə qərbyönümlü qüvvədir. Biz ölkədə birpartiyalı idarəçiliyin yaranmasına yol verməyəcəyik. Məhz bu səbəbdən qəbul etdiyimiz qərara əsasən, seçkilərin saxtalaşdırılmasına baxmayaraq,  partiya proporsional siyahılar üzrə parlamentdə təmsil olunmalı və seçkilərin ikinci turunda iştirak etməlidir”, - deyə Bakradze qeyd edib.

 

Onun sözlərinə görə, komandanın daxilində bu məsələ ilə bağlı fikir ayrılığının olmasına baxmayaraq, qərar səs çoxluğu ilə qəbul olunub.  

 

Qeyd edək ki,  Gürcüstan MSK-sının məlumatına görə, parlamentə üç partiya keçib - hakim “Gürcü arzusu” partiyası (48,67%),   Vahid Milli Hərəkat  partiyası 27,11% və Vətənpərvərlər Alyansı (5,01%).

 

MSK-nın xəbərinə görə, ikinci turun 50 seçki dairəsində keçiriləcəyi  gözlənilir.

 


Xəbərin orijinal ünvanı: http://news.lent.az/news/256274

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR