Aktual mövzular: Dollar alış-satışı , Hava haqqında, Məzənnə, Neftin qiyməti

Nazir: "Azərbaycana bu il gələn turistlərin sayı 11 faiz artıb"

Nazir: "Azərbaycana bu il gələn turistlərin sayı 11 faiz artıb"

Date: 12 October 2016 10:17

Azərbaycana bu ilin doqquz ayında gələn turistlərin sayı ötən ilin müvafiq dövrünə nisbətən 11 faiz artıb.

Milli.Az bildirir ki, Mədəniyyət və Turizm Nazirliyindən Trend-ə verilən məlumata görə, bunu mədəniyyət və turizm naziri Əbülfəs Qarayev İsmayıllıda "Azərbaycanın şimal-qərb bölgəsində turizmin mövcud vəziyyəti və inkişaf perspektivləri" mövzusuna həsr olunan müşavirədə çıxış edərkən deyib.

Ə.Qarayev prezident İlham Əliyevin diqqət və qayğısı sayəsində turizm sahəsində aparılan islahatların artıq intensiv xarakter aldığını diqqətə çatdırıb. O qeyd edib ki, turizmin inkişafı tədbirlərinin ölkə üzrə balanslaşdırılmış şəkildə həyata keçirilməsi, bütün potensialın turizm proseslərinə cəlb olunması regionların sosial-iqtisadi inkişafının yüksəlməsinə, habelə Azərbaycanın bir məkan kimi daha geniş turizm bazarlarına inteqrasiya etməsinə şərait yaradır.

Nazir bildirib ki, şimal-qərb regionu (Balakən, Qax, Qəbələ, Oğuz, Zaqatala, Şəki inzibati rayonlarının, eləcə də Şamaxı, Ağsu və İsmayıllı rayonları) müxtəlif turizm növlərinin inkişaf etdirilməsi üçün münasibdir. Burada ekoturizm, mədəni turizm, sağlamlıq turizmi və sair turizm növləri üçün geniş potensial var. Şimal-qərb bölgəsi üzrə "Şərab yolu", "Böyük İpək yolu", "Aleksandr Düma Qafqazda", "Polyak izləri" beynəlxalq turizm marşrutları, eləcə də İsmayıllı-Basqal-Lahıc istiqaməti üzrə "Qırxotaq Əfsanələri" və "Fit qalası", Qəbələ-Şəki-Qax istiqaməti üzrə "Qədim Qafqaz Albaniyasının tarixi izləri", Qəbələ-Şəki-Tovuz-Şəmkir-Ağsu istiqaməti üzrə isə "Azərbaycanda Arxeolojı Turizm" mədəni turizm marşrutları yaradılıb.

Milli.Az


Tags:  Nazir Azərbaycana bu il gələn turistlərin sayı 11 faiz artıb

RƏYLƏR


Top news