Aktual mövzular: Dollar alış-satışı , Hava haqqında, Məzənnə, Neftin qiyməti

Təcili Tibbi Yardım gücləndirilmiş iş rejimindədir

Təcili Tibbi Yardım gücləndirilmiş iş rejimindədir

Date: 12 October 2016 10:19

 

Bakı Şəhər Təcili və Təxirəsalınmaz Tibbi Yardım Stansiyası Aşura günü ilə əlaqədar gücləndirilmiş iş rejiminə keçib.

Stansiyanın baş həkimi Rauf Nağıyev Lent.az-a açıqlamasında bildirib ki, paytaxtda qanvermə aksiyaları həyata keçirilən bütün məscid, ibadət məkanlarının hər birinə 1 təcili yardım briqadası göndərilib: "Ərazi poliklinika həkimləri, Qanvermə İnstitutunun əməkdaşları da məscidlərdədir. Hələ ki, hər şey normal qaydasında gedir, narahatlıq doğuran fakt yaşanmayıb. Təcili Tibbi Yardımın əməkdaşları mərasim bitənə kimi həmin ərazilərdə olacaq”.

 

 Qeyd edək ki, bu gün 14 məsciddə QMİ-nin təşəbbüsü ilə gerçəkləşən, tibbi ehtiyaclar üçün Kərbəla şəhidlərinin xatirəsinə qan verilməsi aksiyaları təşkili olunub. Qanvermə aksiyalarının təşkil olunduğu məscidlərin 8-i Bakıda, 6-sı isə digər rayon və şəhərlərdə yerləşir.

 

Qanvermə aksiyaları aşağıdakı məscidlərdə keçirilir:

 

Yasamal rayonu  “Təzəpir” məscidi

Yasamal rayonu  “Hacı Soltanəli” məscidi

Səbail rayonu “Bibiheybət” məscidi

Səbail rayonu İçərişəhər “Cümə” məscidi

 Suraxanı rayonu “Qaraçuxur” qəsəbə məscidi

Xəzər rayonu “Mirmövsüm ağa” ziyarətgah-məscidi

 Nizami rayonu “Keşlə” qəsəbə məscidi

Nəsimi rayonu "Əjdərbəy” məscidi

 


Tags:  Təcili Tibbi Yardım gücləndirilmiş rejimindədir


RƏYLƏR


Top news