Aktual mövzular: Dollar alış-satışı , Hava haqqında, Məzənnə, Neftin qiyməti

Abşeronda anasına zəng edən şəxsi öldürən gəncin apellyasiya şikayəti təmin edilməyib

Abşeronda anasına zəng edən şəxsi öldürən gəncin apellyasiya şikayəti təmin edilməyib

Date: 12 October 2016 13:32

Bakı. 12 oktyabr. REPORT.AZ/ Sumqayıt Apellyasiya Məhkəməsində Abşeronda qətl törətməkdə təqsirləndirilən Əsgər Sultanovun barəsində olan hökmdən verilən apellyasiya şikayəti üzə məhkəmə prosesi başa çatıb.
"Report"un xəbərinə görə, hakim Nazim Mövsümovun sədrliyi ilə keçirilən prosesdə qərar elan olunub.
Qərara əsasən, Ə.Sultanovun apellyasiya şikayəti təmin edilməyib, birinci instansiya məhkəməsinin çıxardığı hökm qüvvədə saxlanılıb.
Qeyd edək ki, hadisə 2015-ci ildə Abşeronun Mehdiabad qəsəbəsində baş verib. 1958-ci il təvəllüdlü Təhməz İsmayılov aldığı bıçaq zərbəsi nəticəsində xəstəxanaya çatdırılan zaman yolda ölüb. Mehdiabad polis əməkdaşlarının araşdırması nəticəsində qətli 1991-ci il təvəllüdlü Ə.Sultanovun törətdiyi məlum olub. Polis əməkdaşlarının əməliyyat-axtarış tədbirləri nəticəsində 24 yaşlı gənc saxlanılıb. Ə.Sultanov törətdiyi cinayəti etiraf edib.
Onun ilkin ifadəsinə görə, T.İsmayılov Ə.Sultanovun anasının telefonuna zəng edərək onu narahat edibmiş. Ə.Sultanov bundan xəbər tutduqdan sonra T.İsmayılovu qəsəbədə olan təkər təmiri servisində tapıb. O, T.İsmayılovun idarə etdiyi avtomobilə minib. Bir qədər yol gedəndən sonra Ə.Sultanov "Digah işıqforu" deyilən yerdə (28 may küçəsində) T.İsmayılova bıçaqla zərbə endirib və hadisə yerini tərk edib.
Bu il ayının 25-də Bakı Ağır Cinayətlər Məhkəmənin hökmü ilə Ə.Sultanov 10 il 6 ay müddətinə azadlıqdan məhrum edilib. Hökmdən narazı qalan məhkum apllyasiya şikayəti verib.

Tags:  Abşeronda anasına zəng edən şəxsi öldürən gəncin apellyasiya şikayəti təmin edilməyib

RƏYLƏR


Top news