Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Yeyib içdikləri tanışlarını qətlə yetirən dəstəyə 60 İL HƏBS TƏLƏBİ

Yeyib içdikləri tanışlarını qətlə yetirən dəstəyə 60 İL HƏBS TƏLƏBİ

Date: 12 October 2016 15:04

Yeyib içdikləri tanışlarını aparıb meşədə qətlə yetirməkdə təqsirləndirilən Vüsal Mirzəyev, Vüsal Qədiyev və Nizami İsmayılovun cinayət işi üzrə məhkəmə davam edib.

Lent.az-ın məlumatına görə,  Bakı Ağır Cinayətlər Məhkəməsində hakim Şəkər Məmmədovanın sədrliyi ilə keçirilən prosesdə məhkəmə istintaqı başa çatıb. Söz dövlət ittihamçısına verilib. Prokuror çıxışında hər üç şəxsin 20 il müddətinə azadlıqdan məhrum edilməsini istəyib.

Məhkəmə oktyabrın 18-də davam edəcək.

Qeyd edək ki, ötən il sentyabrın 7-də Abşeron rayonunun Xocəsən qəsəbəsində üzərində zorakılıq əlamətləri olan 25-30 yaşlı kişi meyiti aşkar edilib.. İstintaq-əməliyyat tədbirləri ilə qətlə yetirilənin Kürdəmir rayon sakini, 1982-ci il təvəllüdlü Xanlar Nadirov olması müəyyən edilib. Hadisədən 5 ay sonra həmin şəxsi Lənkəran rayon sakini, 1995-ci il təvəllüdlü V.Mirzəyev, Kürdəmir rayon sakini, 1987-ci il təvəllüdlü V.Qədiyev və Lerik rayon sakini, 1982-cı il təvəllüdlü N.İsmayılovun öldürdüyü bəlli olub.

Həmin şəxslər X.Nadirovla birlikdə Sulutəpədə kafedə yeyib-içiblər. Bundan sonra dostlar arasında mübahisə yaranıb və V.Mirzəyev, V.Qədiyev və N.İsmayılov X.Nadirovu yaxınlıqdakı meşə massivinə apararaq orada onu qətlə yetiriblər. 


Tags:  Yeyib içdikləri tanışlarını qətlə yetirən dəstəyə 60 İL HƏBS TƏLƏBİ


RƏYLƏR


Top news