Emil Hüseynli: "Azərbaycan dövlətini öz yolundan döndərə bilməyəcəklər"

Emil Hüseynli: "Azərbaycan dövlətini öz yolundan döndərə bilməyəcəklər"
15:43 12 Oktyabr 2016
25 Ölkə
Ölkə mətbuatı
A- A+

"Düşüncə" İctimai Birliyinin sədri, ekspert Emil Hüseynli oktyabrın 7-də Prezident İlham Əliyevin sədrliyi ilə keçirilən Nazirlər Kabinetinin 2016-cı ilin 9 ayının sosial-iqtisadi inkişafının yekunları və qarşıda duran vəzifələrə həsr olunan iclası ilə bağlı "525"ə müsahibə verib.

- Sizcə qlobal iqtisadi böhran dövründə Azərbaycanda aparılan iqtisadi islahatlar ölkənin sosial-iqtisadi vəziyyətinə necə təsir edib?

- Azərbaycan bəlkə də iqtisadi böhrandan ən az əziyyət çəkən ölkədir. Sözsüz ki, qlobal iqtisadi böhran Azərbaycandan yan keçməyə bilməzdi. Əgər inkişaf etmiş ölkələr, Avropanın elit dövlətləri, o cümlədən, qonşumuz Rusiya və Türkiyə qlobal iqtisadi böhrandan əziyyət çəkirlərsə, demək, bu, Azərbaycan iqtisadiyyatına da təsir etməli idi. Ancaq Azərbaycan hökuməti bu vəziyyətdə özünü itirməyib. Prezident İlham Əliyevin rəhbərliyi və tövsiyəsi ilə köklü iqtisadi islahatlara qərar verilib. 2016-cı il Azərbaycan iqtisadiyyatı üçün ən ağır il olsa da, düşünülmüş iqtisadi islahatlar nəticəsində ölkəmiz ən az itkilərlə bu ili yola verib. Azərbaycan Prezidenti İlham Əliyevin Nazirlər Kabinetinin 2016-cı ilin 9 ayının sosial-iqtisadi inkişafının yekunlarına və qarşıda duran vəzifələrə həsr olunmuş iclasında çıxışı bir daha əminlik yaradır ki, 2017-ci il Azərbaycan iqtisadiyyatı üçün daha əlverişli il olacaq. Ölkə Prezidentinin vurğuladığı kimi bu il çox ciddi iqtisadi islahatlar aparılıb və bu islahatlar artıq öz nəticələrini verməkdədir. Bunlar əsasən idarəetmə istiqamətində, ixracın stimullaşdırılmasında, idxaldan asılılığı azaltmaqda öz bəhrəsini verib. Ona görə də Azərbaycanın 2016-cı ildəki büdcəsi də sosialyönümlü olub, bu istiqamətdə bir çox layihələr gerçəkləşdirilib. Nəticə göz qabağındadır: Davos Dünya İqtisadi Forumu Azərbaycan iqtisadiyyatını rəqabət qabiliyyətliliyinə görə dünyada 37-ci yerə layiq görüb. Bununla da Azərbaycan ötən illə müqayisədə 3 pillə irəliləyərək, MDB məkanında yenə liderliyini qoruyub saxlaya bilib. Baxmayaraq ki, neftin qiymətinin kəskin şəkildə düşməsi neft ölkələrinin iqtisadiyyatına da çox mənfi təsir edib, ancaq aparılan iqtisadi islahatlar, büdcənin optimallaşdırılması və bu kimi digər amillər iqtisadi inkişaf tempimizi qoruyub saxlayıb. Bütün bunlar onu göstərir ki, Azərbaycan dövləti iqtisadi böhrandan az itkilərlə çıxmaq üçün kifayət qədər iradə, güc nümayiş etdirib.

- Qarşıdakı dövr üçün iqtisadi dinamikanı qoruyub saxlamaq, böhranın təsirlərini minimuma endirmək üçün daha hansı addımların atılmasını vacib hesab edirsiz?

- Düşünürəm ki, növbəti ildə bu il aparılan iqtisadi islahatlar davam etdiriləcək. İlk növbədə neftdən asılılığın minimuma endirilməsi, yəni, qeyri-neft sektorunun inkişafı istiqamətində daha böyük layihələr reallaşdırılacaq. Azərbaycanın iqlimi imkan verir ki, kənd təsərrüfatı sahəsindən kifayət qədər büdcəmizə xarici valyuta gətirə bilərik. Bu il artıq bu istiqamətdə böyük layihələrə start verilib, o cümlədən, pambıqçılığın inkişafına çox diqqət yetirilir, baramaçılıq, üzümçülük sahələri artırılır. Azərbaycan brendi adı ilə keyfiyyətli məhsulların istehsalına diqqət artırılıb. Bir yaxşı deyim var: hər gecənin bir gündüzü var. Əslində iqtisadi böhran Azərbaycanda yeni iqtisadi münasibətlərin yaranmasına rəvac verib. Bunun nəticələrini növbəti illərdə görəcəyik. Düşünürəm ki, Azərbaycan hökuməti makroiqtisadi sabitliyə ciddi fikir verəcək. İnflyasiyanın ikirəqəmli olmaması üçün addımlar atılacaq. Bank sektorunda islahatlar qaçılmaz olacaq, sənaye, kənd təsərrüfatı potensialı artırılacaq. Süni qiymət artımına ciddi nəzarət olunacaq, dırnaqarası sahibkarların insanların cibinə girib daha asan varlanmağının qarşısı alınacaq. Sözsüz ki, turizm sahəsinin inkişafı da Azərbaycan dövlətinin prioritet istiqamətlərindən biridir. Son 2-3 ildə bu sahədə ciddi dönüş yaradılıb və düşünürəm ki, növbəti illərdə də turizmin inkişafından dövlət büdcəmiz kifayət qədər xeyir götürəcək. Əsas məqsəd xarici valyuta gəlirlərinin artırılmasıdır. Bunun üçün sadaladığım sahələrdən kifayət qədər xarici valyuta ehtiyatlarımızı artıra bilərik. Biz artıq neftdən xarici valyuta qazancımızı düşünməməliyik və ölkə Prezidentinin də hökumət qarşısında qoyduğu əsas şərt budur. Prezident İlham Əliyev müşavirədə qeyri-neft sektorunun inkişafını ayrı-ayrılıqda hansı sahələr üzrə inkişaf etdirilməsinin zəruriliyini vurğulayıb. Həm idxal olunan məhsullar minimum endirilməlidir, həm də ixrac məhsullarımızdan xarici valyutalar qazanılmalıdır. Hesab edirəm ki, Azərbaycan hökuməti artıq 2015-ci ildən bu istiqamətdə ciddi işlərə başlayıb və bu siyasət də davam etdiriləcək. Onun bəhrəsini isə yaxın gələcəkdə görəcəyik.

- Azərbaycanın beynəlxalq təşkilatlar, xarici dövlətlərlə əlaqələrinin səviyyəsini necə qiymətləndirirsiniz?

- Azərbaycanın xarici siyasəti bərabərhüquqludur, bütün dövlətlərlə bərabərhüquqlu münasibətlər qurulub. Strateji tərəfdaş ölkələrimiz də var, daha sıx əməkdaşlıq etdiyimiz qurumlar da mövcuddur. Düşünmürəm ki, Azərbaycan hər hansı beynəlxalq qurumlar, xarici dövlətlər normal münasibət qurmaqda maraqlı olmasın. Sadəcə, Azərbaycana göstərilən münasibətə adekvat cavab verilir. Çox təəssüf ki, bu gün bəzi ölkələrin Azərbaycana qarşı səmimiyyətini görmürük. Bəzən Azərbaycana qarşı qarayaxma, şər-böhtan, təhqir kampaniyası aparılır. Bəzən Azərbaycanda "beşinci kolon" vasitəsilə ölkənin milli təhlükəsizliyinə təhdidlər edilir. Azərbaycanın uğuruna sevinməyən qüvvələr ölkədə ictimai-siyasi vəziyyəti gərginləşdirmək istəyirlər. İqtisadi, siyasi gücümüz artdıqca, bizə qarşı təzyiqlər də çoxalır. Buna baxmayaraq Azərbaycan öz yolu ilə gedir, milli maraqlarına söykənən balans siyasətini yürüdür. Azərbaycan ikitərəfli münasibətlərdən üçüncü tərəfin maraqlarına zidd olan addımlar atmır. Xoşməramlı, tarazlı, açıq və səmimi siyasət yürüdür. Bunu anlayan dövlətlər və beynəlxalq təşkilatlar Azərbaycanla gözəl əlaqələr qurub. Bu gün Azərbaycan müxtəlif beynəlxalq təşkilatlarda çox böyük rol oynayır və böyük rəğbət qazanıb. Prezident İlham Əliyevin uzaqgörən, proqmatik siyasəti nəticəsində Azərbaycan böyük nüfuz qazanıb. İndi kimsə Azərbaycanın uğurunu həzm edə bilmirsə, bu onların öz işidir. Azərbaycan dövlətini öz yolundan döndərə bilməyəcəklər.

- Sizcə, Avropa Parlamenti ilə bir ildir dayandırılan əlaqələrin birincilərin xahişi ilə bərpası Azərbaycanın beynəlxalq nüfuzunun daha da artmasından, istənilən əməkdaşlıq əlaqələrində öz şərtlərini, maraqlarını lazımınca müdafiə etmək gücündən xəbər vermirmi?

- Azərbaycan bütün beynəlxalq təşkilatlarla, o cümlədən, Avropa Parlamenti ilə əməkdaşlığa açıqdır və bu əməkdaşlıq beynəlxalq hüquq normalarına, qarşılıqlı hörmətə, bir-birinin haqqını yeməməyə əsaslanır. Əgər hər hansı beynəlxalq təşkilat və ya nüfuzlu dövlət düşünürsə ki, öz maraqlarını qoruyaraq Azərbaycanın daxili işinə qarışmaqla, ölkədə ictimai-siyasi vəziyyəti gərginləşdirməklə nəyəsə nail ola bilərlər, yanılırlar. Düzgün ünvan seçməyiblər. Prezident İlham Əliyev sentyabrın sonlarında Avropa İttifaqı-Azərbaycan Parlament Əməkdaşlıq Komitəsinin nümayəndə heyəti ilə görüşündə konkret şəkildə öz mövqeyini açıqlayıb. Azərbaycan Prezidentinin həmin görüşdə sərt mövqeyi ölkənin maraqlarının qorunmasına hesablanmışdı. Çünki Azərbaycan dövləti, onun Prezidenti haqsızlığa qarşı mübariz olmasa, beynəlxalq hüququn ayaq altında tapdalandığını göstərməsə, sabah Azərbaycanın milli maraqlarını qoruya bilmərik. Dövlət başçısı bununla hegemon ölkələrə, beynəlxalq təşkilatlara Azərbaycanın prinsipial mövqeyini bir daha xatırladıb. Bu mövqe beynəlxalq hüquqa, ədalətə, Azərbaycanın milli maraqlarına söykənir. Azərbaycanın bütün beynəlxalq təşkilatlarla əməkdaşlığı bu cürdür. Avropa Parlamenti də Azərbaycanla bağlı yanlış yolda olduğunu anladığından əməkdaşlıqda maraqlı olduğunu nümayiş etdirib. Onsuz da Azərbaycanın beynəlxalq nüfuzu daha da artdıqca, qarşılıqlı əməkdaşlıqda maraqlarını lazımınca müdafiə etdikcə, ölkəmizlə bağlı qərəzli, ikili siyasətə söykənən, qərəzli mövqe nümayiş etdirən beynəlxalq təşkilatlar sonunda Avropa Parlamenti kimi barışıq elan edəcək.

- Sizcə Azərbaycanın xarici siyasətdə qazandığı uğurlar, beynəlxalq aləmdə öz yerini möhkəmləndirməsi Dağlıq Qarabağ münaqişəsinin həllinə nə kimi töhfələr verəcək?

- Bu, bir aksiomadır ki, nə qədər güclənirsənsə, bir o qədər də problemlərini həll edə bilirsən. Azərbaycan bütün gücünü ona yönəldib ki, Ermənistan-Azərbaycan, Dağlıq Qarabağ münaqişəsi beynəlxalq prinsiplər çərçivəsində, ölkəmizin ərazi bütövlüyü qorunmaqla həll edilsin. Bu prinsip dəfələrlə bəyan edilib və bundan kənar hər hansı güzəştdən söhbət gedə bilməz. Azərbaycanın xarici siyasətinin uğurunun tərkibi kimi qeyd etmək olar ki, bir çox xarici dövlətlərin parlamentlərində Dağlıq Qarabağ münaqişəsinə dair qərarlar qəbul edilib, beynəlxalq təşkilatların bəyanatları var. Artıq İslam Əməkdaşlıq Təşkilatında münaqişə ilə bağlı kontakt qrupu fəaliyyətə başlayır. Avropa Parlamentində Ermənistan-Azərbaycan, Dağlıq Qarabağ münaqişəsi ilə bağlı çox ədalətli mövqe nümayiş etdirən bəyanat verilib. Ancaq bunlarla paralel təəssüf ki, beynəlxalq birliyin münaqişənin ədalətli həllinə təsir rıçaqları yetərli deyil. 20 ildən artıqdır ki, BMT Təhlükəsizlik Şurasının qətnamələri icra edilmirsə, demək təsir mexanizmi olduqca zəifdir. Niyə işğalçı Ermənistana sanksiyalar tətbiq edilmir? Niyə ATƏT-in Minsk Qrupu bəyanatlarında tərəfləri qarşılıqlı güzəştlərə çağıran fikirlərə intensiv rast gəlirik? Torpaqları işğal olunan Azərbaycandır, ancaq Ermənistanla eyni güzəştə dəvət edilir. İş o yerə çatıb ki, hətta Prezident İlham Əliyev müşavirədə bəyan edib ki, bağlı qapılar arxasında nə qədər söhbətlər gedir, Azərbaycana nə qədər təzyiqlər göstərilir ki, ölkəmiz Dağlıq Qarabağın müstəqilliyinə razılıq versin. Amerikanın dövlət katibi Con Kerrinin son bəyanatına diqqət yetirin. Gülməlidir, məntiqsizdir, heç bir beynəlxalq prinsipə sığmır. Bu, Ermənistana dolayısı ilə dəstək verməkdir. Azərbaycanla Ermənistanı necə bərabər günahlandırmaq olar? Con Kerrinin bu bəyanatında erməni lobbisinin izləri açıqca görünür. Bir şeyi anlamalıdırlar ki, Azərbaycan ərazi bütövlüyümüzə zərrə qədər təsir edəcək güzəştlərə getməyəcək. Bu, birmənalıdır. Hər bir işin sonu olduğu kimi danışıqların da bir sonu olacaq. Aprel hadisələri göstərib ki, Azərbaycan münaqişəni hərb yolu ilə də həll etmək iqtidarındadır. Və bu hadisələrdə beynəlxalq təşkilatlar, xarici dövlətlərin əksəriyyəti Azərbaycanın maraqlarına uyğun mövqe tutublar. Əslində, bizim diplomatiyamızın uğuru budur ki, əgər sabah münaqişənin həlli üçün müharibə başlasa, Ermənistan meydanda tək qalacaq.

- Dövlətimiz yürütdüyü daxili və xarici siyasətlə böyük güclərin ikili standartlar siyasətinə qalib gələ biləcəkmi?

- Bir ölkənin uğuru xalq və dövlət münasibətlərindəki səmimiyyət, sıx bağlılıqdır. Azərbaycan dövlətinin yürütdüyü daxili və xarici siyasətin nəticəsidir ki, bu yaxınlarda keçirilən referendumda xalq dövlət başçısına, onun siyasətinə dəstək olub. Xalq-hakimiyyət birliyi dövlətə güc verir ki, ikili standartlara qarşı aktiv mübarizə aparsın, təhdidləri dəf edə bilsin. Azərbaycan dövləti heç zaman imkan verməyəcək ki, dırnaqarası demokratiyanı təcrübədən keçirməklə özlərinə sərf edən həyat tərzini yeritsinlər. Ölkədə güc hesabına xalqın iradəsini, istəyini nəzərə almamağa imkan verilməyəcək. Əslində, Azərbaycan Prezidentinin ikili standartlara qarşı sərgilədiyi sərt mövqeyi ölkənin hər bir vətəndaşının hüququnun qorunmasına hesablanıb. Çünki Azərbaycan dövləti, onun Prezidenti haqsızlığa qarşı mübariz olmasa, sabah Azərbaycanın hər bir vətəndaşının hüququ pozulacaq. Dövlət başçısı son müşavirədə bunu hegemon ölkələrə, beynəlxalq təşkilatlara Azərbaycanın prinsipial mövqeyini bir daha xatırladıb. Bu mövqe beynəlxalq hüquqa, ədalətə, Azərbaycanın milli maraqlarına söykənib.

RƏYLƏR

BU KATEQORİYADAN DİGƏR XƏBƏRLƏR

Ölkə mətbuatında bugün »

Təbrizdə Zeynəb Paşaya həsr olunan tamaşa nümayiş etdiriləcək

21 Avqust 2017 15:57

FHN Gürcüstana helikopter göndərdi - MEŞƏ YANĞINLARINA

21 Avqust 2017 15:54

“Ətrafımda olanları görmürəm” – Nigar Camaldan sevgi etirafı

21 Avqust 2017 15:53

“Səbail” klubu Emin Cəfərquliyevlə yollarını ayırıb

21 Avqust 2017 15:52

Nadir Qafarzadə: "Erməni düşmənim deyil və...

21 Avqust 2017 15:47

Rusiya səfirliyinin avtomobili qəzaya düşdü

21 Avqust 2017 15:43

Günəş tutulması ABŞ şirkətlərinə 694 mln. dollara başa gələcək

21 Avqust 2017 15:42

Rəqqasə Aytən küsülü olduğu həmkarı barədə: "Onun ritmi çatışmır"

21 Avqust 2017 15:39

Ağ-qara xananın piyadaları

21 Avqust 2017 15:37

“Microsoft” danışığın tanınması dəqiqliyi üzrə yeni rekorda imza atıb

21 Avqust 2017 15:35

Növbəti İKT qrant müsabiqəsində kompleks ekspertiza mərhələsinə yekun vurulub

21 Avqust 2017 15:35

Azərbaycanlı 2 milyon dollarlıq qaçaqmalla saxlanıldı - Qazaxıstanda

21 Avqust 2017 15:34

“Rabitə işi”ndə məhkum olunanlar bəraət istəyir

21 Avqust 2017 15:33

Avtobusda qulaqlarımıza "təcavüz" edən mahnılar

21 Avqust 2017 15:29

Azad Rəhimov Qəbələdə vətəndaşları qəbul edəcək

21 Avqust 2017 15:27

Zəvvarlar bu tarixdə yola düşəcək

21 Avqust 2017 15:23

Xəzərdə batan şəxsin meyiti tapıldı

21 Avqust 2017 15:19

Prezident Vilyam Hacıyevi ordenlə təltif etdi

21 Avqust 2017 15:18

Vilyam Hacıyev 2-ci dərəcəli “Vətənə xidmətə görə” ordeni ilə təltif edilib

21 Avqust 2017 15:17

"Rabitə işi"ndə təqsirləndirilən şəxslər apellyasiya şikayəti verib

21 Avqust 2017 15:17

Bu ilin 7 ayında Azərbaycanda 35,8 min nəfərdən çox şəxs işlə təmin edilib

21 Avqust 2017 15:17

İlham Əliyev Vilyam Hacıyevi ordenlə təltif etdi

21 Avqust 2017 15:16

Daha bir icra başçısı orden aldı - SƏRƏNCAM

21 Avqust 2017 15:14

Ev heyvanını küçəyə atan 1 il həbs olunacaq - Xüsusi qurum yaradılır

21 Avqust 2017 15:13

Metbuat.az-ın məşhur qonağı Elariz Məmmədoğlu

21 Avqust 2017 15:10

Qazaxıstan sərhədçiləri azərbaycanlıya məxsus 2 milyonluq qaçaqmal tutdu

21 Avqust 2017 15:08

Həştərxan vilayətinin nümayəndə heyəti yaxın vaxtlarda Azərbaycana səfər edəcək

21 Avqust 2017 15:07

“Ölü”nün qıdığı gəlməz...

21 Avqust 2017 15:07

BMT rəsmisi: “Kişilərin sayının çoxalması kriminogen durumun daha da ağırlaşması ilə nəticələnir”

21 Avqust 2017 15:02

Sumqayıtda dövlət idarəsindən oğurluq edilib

21 Avqust 2017 14:59

İsmayıllıda sürücü piyadanı vurub öldürdü

21 Avqust 2017 14:57

"Ovsun yoxdu" deyənlər üçün: Bir dəfə baxın, Luşpin sizi başqa dünyaya aparacaq - FOTOLAR

21 Avqust 2017 14:53

“Üç nöqtə”də günahlarını yada salan Murad Arif: “Bu, kişinin acizliyidir”

21 Avqust 2017 14:48

Azərbaycan: Doğuşda kişilər də iştirak edəcək

21 Avqust 2017 14:44

Türkiyə və İran terror təşkilatına qarşı BİRLƏŞDİ

21 Avqust 2017 14:43

“Google” axtarış nəticələrində videoların önbaxışını göstərməyə başlayıb

21 Avqust 2017 14:35

ABŞ Rusiya vətəndaşlarına viza məhdudiyyəti qoydu

21 Avqust 2017 14:34

Azərbaycanda şairlərin növbəti QALMAQALI: “Arvad hesabına çörək yeyən...” - FOTOLAR

21 Avqust 2017 14:33

Rəqsanənin qızı, açıq-saçıq geyim, şıdırğı rəqs...

21 Avqust 2017 14:33

Azərbaycan pavilyonu "EXPO-2017"-də TOP-5-ə daxil olub

21 Avqust 2017 14:32

Uşaqlarınıza ayaqqabı alarkən bunlara DİQQƏT EDİN - FRANSIZ PEDİATRDAN XƏBƏRDARLIQ

21 Avqust 2017 14:28

BAKI: Dilənçilik edən 11 nəfər saxlanılıb

21 Avqust 2017 14:25

ABŞ Rusiyada qeyri-immiqrasiya vizalarının verilməsini dayandırır

21 Avqust 2017 14:22

Azərbaycanda 60 minə yaxın insan Prezident təqaüdü alır

21 Avqust 2017 14:22

Azərbaycanlı rejissor Elzanı təhqir etdi – FOTOFAKT

21 Avqust 2017 14:18

Göbələk şorbasının hazırlanması

21 Avqust 2017 14:17

Müğənni Xatirə HƏBS EDİLDİ - SON DƏQİQƏ

21 Avqust 2017 14:13

Dövlət idarəsindən oğurluq edən şəxs tutulub

21 Avqust 2017 14:10

Azərbaycanda quduzluğa qarşı yeni sənəd hazırlanır

21 Avqust 2017 14:09

"Qarabağ"ın oyununa təyinat alan referi əvvələr Azərbaycan yığmasının mərhum baş məşqçisini qovub

21 Avqust 2017 14:07