Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

"Təmas xəttində yaşayan uşaqlar, qadınlar təkcə mərmilərin səsindən nə qədər stress keçirirlər"

"Təmas xəttində yaşayan uşaqlar, qadınlar təkcə mərmilərin səsindən nə qədər stress keçirirlər"

Date: 12 October 2016 15:52

Bu gün təmas xəttində yaşayan uşaqlar, qadınlar elə təkcə mərmilərin səsindən nə qədər stress keçirirlər. Onlar psixoloji təzyiq altında olurlar, öz həyatlarını planlaşdıra bilmirlər. Biz bu insanların hüquqlarının qorunmasını beynəlxalq məhkəmələrə qədər aparmalıyıq.

Milli.Az Trend-ə istinadən bildirir ki, bunu bu gün Milli Məclisin vitse-spikeri, İnsan hüquqları komitəsinin sədri Bahar Muradova komitənin iclasında çıxış edərkən deyib.

Azərbaycanda dövlət tərəfindən bütün addımların insan amili və insanların hüquqlarının qorunması naminə atıldığını xatırladan vitse-spiker qeyd edib ki, məhkəmələrdən edilən şikayətlərin də obyektiv və heç zaman dəyişməyən səbəbi bir tərəfin narazı qalmasıdır:

"Şikayət edən öz hüquqlarını bəlkə də sona qədər bilmədiyindən, törətdiyi, yaxud da ona qarşı törədilən hər hansı əməli bir çox hallarda tam hüquqi aspektdən dəyərləndirə bilmədiyindən ardıcıl olaraq şikayətlər edir. Birinci instansiya məhkəməsindən də, sonuncudan da narazı qalan şikayət edir. Yaxud obyektiv olaraq, verilən hökm hüquqa söykəndiyi halda, yenə də narazı qalır. Ona görə, bu müraciətlərin sayı çoxdur. Bu ona görə deyil ki, məhkəmə qərarları yerinə yetirilmir və yaxud da onların əksəriyyəti hansısa subyektiv amillərə söykənir. Əlbəttə, belə hallar da var".

Milli.Az


Tags:  Təmas xəttində yaşayan uşaqlar qadınlar mərmilərin səsindən stress keçirirlər

RƏYLƏR


Top news