Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Xalq artistinin oğlundan danışan direktor ağladı: “Vəziyyəti kritikdir”

Xalq artistinin oğlundan danışan direktor ağladı: “Vəziyyəti kritikdir”

Date: 12 October 2016 16:33

“Əlimizdən gələni edəcəyik ki, böyük sənətkarımız Eldəniz Zeynalovun yadigarı sağalıb ayağa qalxsın. Mən bugün də yanında oldum, özümü saxlaya bilmədim, göz yaşları məni boğdu. Danışa bilmir, amma dedim ki, sən mütləq sağalacaqsan. Cavan aktyordur, nə yaşı var ki...”

Bu sözləri Publika.az-a açıqlamasında İrəvan Dövlət Teatrının direktoru İftixar Piriyev deyib.

1 saylı Şəhər Klinik Xəstəxanasının reanimasiya şöbəsinə yerləşdirilən Xalq artisti Eldəniz Zeynalovun oğlu, sözügedən teatrın aktyoru Məmməd Zeynalovun səhhəti ilə bağlı danışarkən direktor göz yaşlarına hakim ola bilməyib:

“Həkimlər onun vəziyyətini ağır qiymətləndirir. İnsult keçirib. Üstəgəl də, böyrəklərində uşaqlıqdan problem var. Bu da xəstəliyi ağırlaşdırıb, təzyiq yaradır. Həkimlər bildirib ki, vəziyyəti kritik olan Məmmədin səhhətinin yaxşılaşması ona vurulan iynə-dərmana reaksiyasından asılıdır. Hər dəqiqə onun bacısı, qardaşı ilə danışıram, vəziyyəti barədə xəbər tuturam. Sabah yenə də xəstəxanaya gedəcəm. Həkimlərindən də xahiş etmişik, nə lazımdırsa eləsinlər, biz də əlimizdən gələni edəcəyik”.

Cəvahir


Tags:  Xalq artistinin oğlundan danışan direktor ağladı Vəziyyəti kritikdir

RƏYLƏR


Top news