Aktual mövzular: Dollar alış-satışı , Hava haqqında, Məzənnə, Neftin qiyməti

Şəkidə ər ondan boşanmaq istəyən həyat yoldaşına görə özünü bıçaqlayıb

Şəkidə ər ondan boşanmaq istəyən həyat yoldaşına görə özünü bıçaqlayıb

Date: 12 October 2016 16:47

Şəki. 12 oktyabr. REPORT.AZ/ Şəki sakini bıçaqla özünə xəsarət yetirib.
"Report"un Şimal bürosu xəbər verir ki, hadisə bu gün günorta saatlarında Şəki şəhəri Vaqif küçəsi döngə 7 mənzil 24-də baş verib.
1989-cu il təvəllüdlü Elmar Nağı oğlu Əliyev yaşadığı ünvanda özünə bıçaqla xəsarət yetirib.
Şəki Rayon Mərkəzi Xəstəxanasına çatdırılan yaralını müayinə edən həkimlər onun qarın boşluğunda daxilə nüfuz etməyən bir bıçaq yarası aşkarlayıblar.
Xəstəxanadan "Report"a verilən məlumata görə yaralıya ilkin yardım göstərilib və vəziyyəti orta-stabildir.
Şəki Şəhər Rayon Polis şəbəsindən "Report"un müxbirinə verilən məlumata görə, hadisə ailə münaqişəsi zəminində baş verib. Həyat yoldaşının Elmar Əliyevdən boşanmaq istəməsi onu hiddətləndirib və o özünə arvadının yanında bıçaqla xəsarət yetirib.
Polis şöbəsində hadisənin baş verməsinin dəqiq səbəbləri araşdırılır.

Tags:  Şəkidə ər ondan boşanmaq istəyən həyat yoldaşına özünü bıçaqlayıb

RƏYLƏR


Top news