Azərbaycan Dövlət Neft Fondunun (SOFAZ) Azərbaycan Beynəlxalq Bankında (ABB) depozit həcminin artırılması və digər banklarda depozitlərin yerləşdirilməsi üzrə planlar yoxdur.
Milli.Az Trend-ə istinadən bildirir ki, bunu SOFAZ-ın icraçı direktoru Şahmar Mövsümov mətbuat konfransında bildirib.
Onun sözlərinə görə, fondun qaydalarına əsasən, SOFAZ aktivlərinin ümumi həcminin beş faizə qədərini daxili bazarda yerləşdirmək imkanına malikdir: "Bizim aktivlər hazırda 35,82 milyard dollar təşkil edir. ABB-də fond bir milyard dollarlıq depozit yerləşdirib".
Milli.Az
