Bakı. 12 oktyabr. REPORT.AZ/ Qazaxıstanda “Almatı Invest-2016: İnvestisiyalar - Almatı şəhərinin inkişaf drayverlərinin yeni erası” adlı IV Beynəlxalq İnvestisiya forumu keçiriləcək.
Azərbaycanda İxracın və İnvestisiyaların Təşviqi Fondundan (“Azpromo”) “Report”a verilən məlumata görə, Almatı şəhərində təşkil edilən forum oktyabrın 28-də baş tutacaq.
Azərbaycanda müvafiq sahələrdə fəaliyyət göstərən iş adamları və sahibkarlar forumda iştiraka dəvətlidirlər.
Forum haqqında ətraflı məlumat almaq və tədbirdə iştirak etmək istəyənlər “Azpromo”ya müraciət edə bilərlər.