Aktual mövzular: Dollar alış-satışı , Hava haqqında, Məzənnə, Neftin qiyməti

Bakı Metropoliteni Tarif Şurasına müraciət edib?

Bakı Metropoliteni Tarif Şurasına müraciət edib?

Date: 13 October 2016 10:47

2015-ci ilin yekunlarına görə sərnişindaşımanın maya dəyəri 54 qəpik, 2016-cı ilin 6 ayı ərzində isə nisbətən azalaraq 52,4 qəpik təşkil edib. "Bakı Metropoliteni" QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev bildirib ki, cari ildə yeni tikilən obyektlərin balansa götürülməsi, kommunal xidmətlərin qiymətlərinin artması metropolitendə xərcləri artıracaq. Bu da öz növbəsində, bir sərnişinin daşınma xərcini artıra bilər. Bu açıqlamadan sonra  metroda gediş haqqının artırılacağına dair geniş müzakirələr açılıb.

Milli.Az bildirir ki, məsələ ilə bağlı İqtisadiyyat Nazirliyini (İN) mətbuat xidmətinin rəhbəri Abbas Əliyev modern.az-a açıqlama verib. O bildirib ki, gedişhaqlarını artırıb-azaldan Tarif Şurası (TŞ) kollegial orqandır:
"Qərarlar kollegial şəkildə müzakirə edildikdən sonra müvafiq olaraq qəbul olunur. Tarif Şurası qiymət tənzimlənməsində sosial-iqtisadi aspektləri əsas götürür.
O ki qaldı metroda gediş haqlarının dəyişdirilməsinə, bu gün məsələ Tarif Şurasında müzakirə predmeti deyil".
Qurum rəsmisi deyib ki, "Bakı Metropoliteni" QSC gediş haqlarının artırılması ilə bağlı Şuraya müraciət etməyib.

Milli.Az


Tags:  Bakı Metropoliteni Tarif Şurasına müraciət edib

RƏYLƏR


Top news