Aktual mövzular: Dollar alış-satışı , Hava haqqında, Məzənnə, Neftin qiyməti

Yeni nəsil superkompüterin hazırlanmasına başlanılıb

Yeni nəsil superkompüterin hazırlanmasına başlanılıb

Date: 13 October 2016 12:35

Çinin Milli Müdafiə Elm və Texnika Universiteti və Dövlət Superkompüter Hesablamaları Mərkəzi yeni nəsil hesablama kompüterinin nümunəsini hazırlamağa başlayıb.   
 
“ICTnews” Elektron Xəbər Xidməti “DNI24” resursuna istinadən yazır ki, Milli Müdafiə Elm və Texnika Universiteti nümayəndəsinin sözlərinə görə, yeni kompüter saniyədə kvintilyon əməliyyat yerinə yetirə biləcək. Gələcək hesablama kompüteri elmi-texniki tərəqqinin irəliləməsində və müxtəlif sahələrin inkişafında böyük əhəmiyyətə malikdir. Bir müddət əvvəl Avropa İttifaqı, Yaponiya və ABŞ yeni nəsil superkompüter hazırlamağa başlayıb. Onların məqsədi 2020-ci ilədək saniyədə kvintilyon əməliyyat yerinə yetirə biləcək kompüter ərsəyə gətirməkdir.

Ölkədə 6 il əvvəl hazırlanan ilk “Tianhe-1” superkompüteri saniyədə kvadrilyon əməliyyat yerinə yetirə bilir. Kompüter hazırda da fəaliyyət göstərərək neft kəşfiyyatı, avadanlıq istehsalı, bioəczaçılıq və s. ilə əlaqədar qarşıya qoyulan vəzifələri icra edir. “Tianhe-1” hər gün 1400-dən çox tapşırıq yerinə yetirir.

Nizam Nuriyev 



Tags:  Yeni nəsil superkompüterin hazırlanmasına başlanılıb


RƏYLƏR


Top news