Aktual mövzular: Dollar alış-satışı , Hava, Məzənnə, Neftin qiyməti

Norveç Futbol Federasiyası Azərbaycanla məğlubiyyətə görə iclas çağırıb

Norveç Futbol Federasiyası Azərbaycanla məğlubiyyətə görə iclas çağırıb

Azərbaycanla oyunda Almaniyanın qapısını Noyer qorumayacaq (20 Mart 2017 21:28)
PSJ-nin azarkeşi "Barselona"ya məğlubiyyətə görə ona gülən dostunu öldürüb (11 Mart 2017 07:57)

Tarix: 13 Oktyabr 2016 13:32

Yaxın vaxtlarda Norveç Futbol Federasiyasının (NFF) İcraiyyə Komitəsi ölkə yığmasının çıxışına qiymət verəcək.

Milli.Az Report-a istinadən xəbər verir ki, bu barədə NFF-in prezidenti Terye Svendsen qurumun rəsmi saytına açıqlama verib. O bildirib ki, hələ 2018-ci il dünya çempionatının seçmə mərhələsi çərçivəsində oktyabrın 8-də Azərbaycan yığmasına 0:1 hesablı məğlubiyyətdən sonra belə bir qərar qəbul edilib. Sadəcə, San-Marino ilə 11 oktyabr matçını da gözləmək lazım gəlib. "Cırtdan ölkə" üzərində 4:1 hesablı qələbə də federasiyanı niyyətindən döndərməyib.
T.Svendsenin fikrincə, İcraiyyə Komitəsi yığmanın nəticələrinin NFF-in ambisiyaları ilə uzlaşmaması səbəbindən bir araya gəlir: "Çexiya ilə növbəti oyunumuzadək bir neçə həftə vaxt qalıb. Ona görə də hazırkı vəziyyəti qiymətləndirməliyik. Daha geniş və hərtərəfli qiyməti çexlərlə qarşılaşmadan sonra verəcəyik. İcraiyyə Komitəsi başa düşür ki, mətbuat və futbolsevərlər narahatdırlar. Bununla belə, biz tənzimlənmiş qiymətləndirmə prosesi aparırıq".

Qeyd edək ki, Norveç millisi C qrupunda 3 oyundan sonra 3 xalla 4-cü pillədə qərarlaşıb.      

Milli.Az


Teqlər:  Norveç Futbol Federasiyası Azərbaycanla məğlubiyyətə iclas çağırıb



RƏYLƏR


Top xəbərlər