Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Azərbaycan cüdoçusu dünya reytinqində ilk onluqda qərarlaşıb

Azərbaycan cüdoçusu dünya reytinqində ilk onluqda qərarlaşıb

Date: 13 October 2016 13:57

Bakı. 13 oktyabr. REPORT.AZ/ Beynəlxalq Cüdo Federasiyası (IJF) milli komandalar üçün yeni reytinq siyahısını açıqlayıb. 
Federasiyanın mətbuat xidmətindən "Report"a verilən məlumata görə, Azərbaycan milli komandası 48 medalla (13 qızıl, 9 gümüş və 26 bürünc) siyahıda səkkizinci yerdə qərarlaşıb.
60 kq çəkidə çıxış edən Vüqar Şirinlinin qitə yarışlarında – Afrika Açıq Kuboku, Buenos-Ayres və Limada keçirilən Cənubi Amerika Kubokuda 3 qızıl medal qazanması bu göstəriciyə təsirsiz ötüşməyib. 
IJF-in reytinq cədvəlində milli komandamızın üzvü Rüstəm Orucov (73 kq) ilk yerdə qərarlaşıb. O, gümüş medal qazandığı Rio Olimpiadasına qədər Kazanda keçirilən Avropa çempionatında və Havana “Qran-Pri”sində qızıl medal sevincini yaşayıb. Düsseldorf “Qran-Pri”sində ikinci, Qvadalaxaradakı “World Masters” və Bakı “Böyük Dəbilqə”sində isə üçüncü olub. 
Həmçinin, Elmar Qasımov da 100 kq çəkidə çıxış edən idmançıların siyahısına başçılıq edir. O, mayda “World Masters”ın də qalibi olub.  
Orxan Səfərov (60 kq) isə öz çəkisində ikincidir. 

Tags:  Azərbaycan cüdoçusu dünya reytinqində ilk onluqda qərarlaşıb

RƏYLƏR


Top news