Müğənni Nadir Qafarzadə böyük oğlu Loğmanı evləndirməyə hazırlaşır.
Milli.Az axşam.az-a istinadən bildirir ki, sənətçi bu haqda "Evdəkilərə salam" verilişində deyib.
O bildirib ki, Londonda təhsil alan övladı gələn il universiteti bitirir:
"Loğmanı 2017-ci ilin mayında evləndirməyi düşünürəm. Çünki mən də o yaşımda may ayında evlənmişdim. Övladlarımın evləri, gəlinlərimin isə cehizləri hazırdır. Hamısını özüm almışam".
N.Qafarzadə həyat yoldaşı Sevinc xanımla boşanma xəbərlərinin yaranma səbəbini açıqlayıb:
"Balaca oğlum Əziz Moskvada oxuyur. Sevinc onun yanında qalır. Ona görə də belə şayiə yayıblar".
Qeyd edək ki, aparıcılığını Aytəkin Mərdanovanın etdiyi verilişin sözügedən buraxılışına həftənin bazar günü saat 18:30-da "Xəzər" telekanalında baxa bilərsiniz.
Milli.Az