Tailand kralı Bhumibol Adulyadej 88 yaşında dünyasını dəyişib.
Publika.az xarici mediaya istinadən xəbər verir ki, bu haqda yerli KİV və sosial şəbəkələr bildirib.
Hazırda Tailand hökumətinin yerli vaxtla saat 19:00-da bəyanat verəcəyi gözlənilir.
Kral oktyabrın 9-da təcili olaraq xəstəxanaya yerləşdirilib. Ona qan infeksiyası diaqnozu qoyulub.
Tailand kralı dünyada ən çox hakimiyyətdə olan monarxdır. O, 1946-cı ildə taxta çıxıb. Onun hakimiyyəti dövründə 20-dən çox baş nazir əvəz olunub, 18 konstitusiya qəbul edilib.
Ömər Dağlı
