Aktual mövzular: Dollar alış-satışı , Hava haqqında, Məzənnə, Neftin qiyməti

Əli İnsanov həbsindən apellyasiya şikayəti verdi

Əli İnsanov həbsindən apellyasiya şikayəti verdi

Date: 13 October 2016 16:57

Sabiq səhiyyə naziri Əli İnsanov barəsində çıxarılmış 3 ay müddətinə həbs qətimkan tədbiri ilə bağlı Qaradağ Rayon Məhkəməsinin qərarından apellyasiya şikayəti verib.

Milli.Az bildirir ki, bu barədə Trend-ə Ə.İnsanovun vəkili Toğrul Babayev məlumat verib. Vəkil bildirib ki, apellyasiya şikayəti həbs qətimkan tədbirinin ləğv edilərək Ə.İnsanovun azadlığa buraxılması ilə bağlıdır.

Xatırladaq ki, Ə.İnsanov barəsində həbs qətimkan tədbiri oktyabrın 11-də Qaradağ Rayon Məhkəməsinin qərarı ilə seçilib.

Qeyd edək ki, avqustun 24-də həbsdə olan sabiq səhiyyə naziri Ə.İnsanov barəsində Cinayət Məcəlləsinin 234.1 (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama), 315.2 (hakimiyyət nümayəndəsinə xidməti vəzifələrini yerinə yetirərkən həyat və sağlamlıq üçün təhlükəli olmayan zor tətbiq etməklə müqavimət göstərmə, xidməti vəzifələrini yerinə yetirməsi ilə əlaqədar ona və ya onun yaxın qohumlarına qarşı belə zor tətbiq etmə və ya zor tətbiq etmə hədəsi ilə hədələmə, bu maddədə göstərilən şəxslərə qarşı həyat və sağlamlıq üçün təhlükəli olan zor tətbiq etmə) və 317-2.1-ci (cəzaçəkmə müəssisələrində və ya istintaq təcridxanalarında saxlanılan şəxs tərəfindən qadağan olunmuş əşyaların hazırlanması, saxlanılması, gəzdirilməsi, daşınması və ya istifadəsi, eyni əməllər təkrar törədildikdə) maddələri ilə cinayət işi başlanıb.

Ə.İnsanov 2005-ci ilin oktyabr ayında həbs edilib. O, dövlət vəsaitlərinin mənimsənilməsində və dövlət aktivlərinin qanunsuz özəlləşdirilməsinin təşkilində ittiham olunub. 2007-ci ilin aprel ayında Ə.İnsanov Bakı Ağır Cinayətlər Məhkəməsinin hökmü ilə əmlakı müsadirə olunmaqla və 3 il ərzində dövlət vəzifəsi tutması qadağan edilməklə 11 il müddətinə azadlıqdan məhrum edilib.

Milli.Az


Tags:  Əli İnsanov həbsindən apellyasiya şikayəti verdi

RƏYLƏR


Top news