Aktual mövzular: Dollar alış-satışı , Hava haqqında, Məzənnə, Neftin qiyməti

Özündən xəbərsiz kartından 5 min manat pul çəkilib (VİDEO)

Özündən xəbərsiz kartından 5 min manat pul çəkilib (VİDEO)

Date: 14 October 2016 07:08

Kredit kartından 5 min manat pul çəkilib, indi isə ödəniş haqqı maaşından tutulur.

Zəngilandan məcburi köçkün olan və paytaxtın Sabunçu rayonunda yaşayan Səbirə Şirvanova bir neçə il əvvəl bankdan kredit götürüb. Ödənişləri vaxtında etdiyindən ona güzəştli kredit kartı verilib. Ögey oğlu isə qadından xəbərsiz həmin kart vasitəsilə 5 min manat kredit götürüb.

Bir müddətdən sonra oğlan ödəniş etməyib və gecikdirildiyi üçün üzərinə əlavə faiz gəlib. Bu zaman bankın əməkdaşları ödənişin edilməsi üçün Səbirə Şirvanovaya zəng ediblər. Yalnız həmin vaxt o bilib ki, adına kredit götürülüb.

Səbirə Şirvinovanın sözlərinə görə, indi oğlu kartdan pul çəkmədiyini və deyilənlərin yalan olduğunu iddi edir.

Hüquqşünas Anar Ramazanov isə deyir ki, əgər Səbirə Şirvanova kart itən kimi xəbər tutsaydı və aidiyyəti qurumlara müraciət etsəydi krediti onun yox, başqasının götürdüyünü sübut etmək olardı.

Bundan əlavə Səbirə Şirvanova məhkəməyə dəvət edilməli və çıxarılan qərar barədə də məlumatlandırılmalı idi.

Mütəxəssislər məsləhət görürlər ki, bu cür hallarla qarşılaşmamaq üçün plastik kartlar etibarlı yerdə saxlanılmalıdır. Oğurlandığı və itdiyi halda isə sahibi banka gedərək kartın bloklanmasını tələb etməlidir.


Tags:  Özündən xəbərsiz kartından min manat pul çəkilib VİDEO

RƏYLƏR


Top news