Özbəkistanın yeni prezidenti Şövkət Mirziyoyev olacaq.
Lakin o, bunun üçün iki rəhbərlə razılaşmalıdır.
Publika.az xəbər verir ki, bu barədə “Röyters” gizli
mənbəyə istinadən xəbər verir.
Mənbə deyir ki, bu şəxslər Milli Təhlükəsizlik Xidmətinin rəhbəri
Rüstəm İnyatov və baş nazirin müavini Rüstəm Əzimovdur.
Lakin məlumata görə, Özbəkistan siyasətinə həmçinin özbək əsilli
milyarder Əlişir Usmanov da təsir edir.
“Usmanovun şəxsi təyyarəsi son vaxtlar Daşkənd aeroportunda tez-tez
görünür”, - deyə mənbə bildirib.
Usmanova yaxın mənbə isə agentliyə bildirib ki, milyarder
Özbəkistanı idarə edən dairələrə kifayət qədər yaxındır.
Hazırda prezident olacaq əsas şəxs Şövkət Mirziyoyevdir.
Məlumatlara görə, Kərimov xəstələnəndən sonra özbək klanları
sentyabrın 28-də toplaşaraq Mirziyoyevin ictimai lider olması haqda
razılığa gəliblər. Lakin o, qərarları sərbəst şəkildə qəbul edə
bilməyəcək.
“Röyters” dəqiqləşdirib ki, Usmanovun “Filightradar 24” təyyarəsi
məhz sentyabrın 28-də Daşkənd aeroportuna enib.
Mirziyoyevlə Usmanov qohumluq əlaqələrinə malikdirlər. 2009-cu ildə
milyarderin qardaşı oğlu Mirziyoyevin qardaşı qızı ilə ailə qurub.
Məlumatlara görə, bu qohumluq İslam Kərimovda narazılıq yaradıb.
2013-cü ildə Usmanovun qardaşı oğlu avtomobil qəzasında vəfat
edib.
Qeyd edək ki, Usmanov Kreml rəhbərliyi ilə çox yaxın əlaqələrə
malikdir.
Asif