"Daşınmaz əmlakın dövlət reyestri haqqında" qanuna dəyişiklik edilib

"Daşınmaz əmlakın dövlət reyestri haqqında" qanuna dəyişiklik edilib
13:47 14 Oktyabr 2016
Ölkə mətbuatı
A- A+

Bakı. 14 oktyabr. REPORT.AZ/ Azərbaycanda "Daşınmaz əmlakın dövlət reyestri haqqında" qanunda rüsumla bağlı dəyişiklik edilib. "Report"un verdiyi xəbərə görə, dəyişikliyə əsasən, qanunun 6.3 maddəsi ləğv edilib.
Həmin maddədə deyilirdi ki, daşınmaz əmlaka mülkiyyət və digər əşya hüquqlarının dövlət qeydiyyatına alınması ilə bağlı sənədlərin verilməsinə görə ödənilən dövlət rüsumunun 30%-i qeydiyyat orqanı işçilərinin (müvafiq icra hakimiyyəti orqanının tabeliyində olan müvafiq qurumlarda fəaliyyət göstərən işçilər istisna olmaqla) sosial müdafiəsini gücləndirmək və maddi təminatı yaxşılaşdırmaq məqsədi ilə qeydiyyat orqanının xüsusi hesabına köçürülür. 
Qeydiyyat orqanı işçilərinin sosial müdafiəsini gücləndirmək və maddi təminatı yaxşılaşdırmaq məqsədi ilə qeydiyyat orqanının xüsusi hesabına köçürülən vəsaitdən istifadə haqqında hesabatın dərc edilməsi barədə müvafiq forma, habelə həmin hesabatın dərc olunması qaydası və müddəti müvafiq icra hakimiyyəti orqanı tərəfindən müəyyən edilir.

Xəbərin orijinal ünvanı: http://report.az/i-nfrastruktur/dasinmaz-emlakin-dovlet-reyestri-haqqinda-qanunda-deyisiklik-edilib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR